ƐGƐ NƐ ĀCƐ O YƐCE UKRAIST GĒ LĀ OYEEYI

Ta Ācɛ Nōó Lɛ Ɔwɛ Ō Gba Ɛ̄gbā Duuma Ŋ Ma Abɔ Kéē Gáā Lɛ Ɔcɛ Nōo Ya Uwa A Jé

Ó lɛ eko duuma nɛ á tɔɔna lɛ ācɛ nōó lɛ ɔwɛ ō gba ɛ̄gbā duuma ŋ, ohigbu ku a gbɛla kéē gáā jahɔ ŋ? Ɔdaŋ kóō lɛ a, bla ku ācɛ nōó lɛ ɔwɛ ō gba ɛ̄gbā duuma ŋ—kwu ācɛ nōó kpɔtuce ka Ɔwɔico i yɔ ŋ ma—le piya Ācɛ Ocijali Ku Ujehofa gbɔbu duu ɛ. Igbalɛwa, ɔdā néē cɛgbá foofunu a wɛ otabɔ ligii nōo géé ta uwa abɔ má peee ka Ɔwɔico yɔ.—Uróm 1:20; 10:14.

LƐ UVIDIO NYĀ MAFU NŌO KAHINII: ĀCƐ NŌÓ LƐ ƆTU OKPOCE Ŋ MA LƆFU LƐ ƆTU OKPOCE!—ĀCƐ NŌÓ LƐ ƆWƐ Ō GBA Ɛ̄GBĀ DUUMA, CƐƐ AA LƐ ƆKA NYĀ CILA:

Ɛgɛnyá nɛ ocabɔ ku Tommaso ta uwɔ abɔ ku a leyi má ō tɔɔna lɛ ācɛ nōó lɛ ɔwɛ ō gba ɛ̄gbā duuma ŋ ma ɔwɛ olɔhi fiyɛ a?

Ohi ku uwɔ

Ɛgɛ nɛ a géē ya ɔ a

Ɔdaŋ ka ɔcɛ da uwɔ ka anuɔ i kpɔtuce Ɔwɔico ŋ, bi ɔwɛ gbonɛnɛ mla ijeeyi ku a mafu ɔkwɔɔkwɛyi ku a lɛ ɛlá wu ɔdā nōó gbɛla mla ɛgɛ nɛ ɔtu yɔ i ya ɔ lɛyikwu ɛlā a. (2 Utím. 2:24) Kɛla lɛyikwu aikpɛyi ɛlā nōo lɔfu he ɔ ɔtu. Ó géē cɛ ō kɔka lɛyikwu ikpɛyi ɛlā nōo ta ācɛ alɛwa abɔ kéē gáā kpɔtuce kóō lɛ Ɔcɛ nōo ya ɛjɛɛji odee? Ɔdaŋ kóō cɛ, bi aɔkpá mla auvidio néē le tutu ku ɛlā ɔɔma a le yuklɔ. É kwu ubrociɔ ku Was Life Created? mla u The Origin of Life—Five Questions Worth Asking a u ta ipu Aɔdā Nɛ Alɔ Gē Bi Le Ya Oklɔcɛ Mla Ācɛ a, o ya ɛɛ ku ɔcɛ kóō má uwa fiya fiya.

Eko aflɛyi a, a lɔfu yɔ i yuufi amāŋ pi ɔkwu ajɛ ō da ɔcɛ nɛ ó kpɔtuce ku Ɔwɔico yɔ ŋ ma ɔkoolɔhi a. A lɔfu da ɔcɛ ō tɔɔna ɛlā Ɔwɔico nōo má ɔdā alɛwa ipu oyeeyi ɛ ma kóō ta uwɔ abɔ. Bla ka Ujehofa lɔfu ta alɔ abɔ ku alɔ yɛ fu ipu ɔtu ku ācɛ nɛ ó le fu kéē lɛ oyeeyi opiyoo—ɔdaŋ néē kóō miyɛ cɛ eko aflɛyi a ka Ɔwɔico yɔ ŋ.—Ac 13:48.