ƆYA ƆMPA 19-25

AÍJĒ KÚ Ɛ̄GBĀ 8-10

Ijé Ɔmɛ 2 mla Ɔkɔ o gba | Aɛlā O Bi Gbɔɔ (uminiti 1)

AGBENU NŌO YƆ IPU ƐLĀ ƆWƆICO

1. “N Gē Bī Odúúdú Ɔtū Kú Um Lɛ Cɛ̄tra Óndú Ā”!

(uminiti 10)

Ujehofa lɔhi lɛ alɔ ibi (Aíjē 8:3-6; w21.08 3 ¶6)

Alɔ gē gweeye ō cɛtra Ujehofa oŋma lɛ ō da ācɛ ɔhá lɛyikwu uklɔ idaago ku nu (Aíjē 9:1; w20.05 23 ¶10)

Alɔ klla gē cɛtra ɔ eko duuma nɛ alɔ gē gwiije ŋma ɔtu lɛ ɔ (Aíjē 9:2; w22.04 7 ¶13)

Aifoto ɛyɛɛyɛyi néē kpo bɔha: Ɔwɛ ɛyɛɛyɛyi nɛ alɔ lɔfu cɛtra Ujehofa. 1. Ɔyinɛ nɔnya éyi nōo le hilokplici yɔ i tɔɔna lɛ ɔcɛ nōo gē teyi tu ɔ a. 2. Ayinɛ nɔnyilɔ mla ayinɛ nɔnya yɔ i gwiije ipu ōjila ku ujɔ. 3. Ɔyipɛ ɔcɛnyilɔ éyi je abɔ ku nu gico kóō toohi ipu ōjila ku ujɔ. 4. Ɔyinɛ nɔnyilɔ éyi nōo wɛ ɛdrɔ yɔ i ta abɔ kéē lɛ Agbla ku Ajɔɔcɛ tu yeŋee. 5. Ɔyinɛ nɔnya éyi nōo wɛ ɛdrɔ yɔ i tɔɔna lɛ ɔyipɛ uklasi ku nu.

DA IYI UWƆ ƆKA, ‘Ɔwɛ ɔhá nyá nɛ um lɔfu cɛtra Ujehofa a?’

2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico

(uminiti 10)

Aíjē 8:3—Ɔdi nɛ Udefidi nwu eko nɛ ó gbɛla lipu lipu tu aɔdā nɛ Ɔwɔico ya a? (w23.03 19 ¶14)

Ohi ku uwɔ
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?

Ohi ku uwɔ

3. Ubáyíbu Ō Jé

(uminiti 4) Aíjē 10:1-18 (th oklɔcɛ ɔmɛ 11)

Ō NWU ƐGƐ NƐ ALƆ GÉĒ YUKLƆ KU ƆNA O TA

4. Ō Gbɔɔ Ɔka Ō Ka

(uminiti 3) Ō ŊMA ƆLƐ GĀ ƆLƐ. Ondu ɔlɛ a da uwɔ ka anuɔ i kpɔtuce Ɔwɔico ŋ. (lmd ɛlā ō nwu ɔmɛ 5 ogwotu 4)

5. Ōcigbihi Nyɔ

(uminiti 4) Ō KƐLA ƆWƆICO EKO NƐ Á YƆ I TƆƆNA Ŋ. Ŋma ɔka nɛ aa ka gbɔbu a, ɔcɛ a da uwɔ ka anuɔ i kpɔtuce Ɔwɔico ŋ, amáŋ ɔtu ku nu le nwula ō leyi yɛ aɔdā nōo mafu kóō lɛ ɔcɛ nōo ya ɛjɛɛji odee. (th oklɔcɛ ɔmɛ 7)

6. Ɛlā O Ka Tɛɛcɛ Ŋma Ubáyíbu

(uminiti 5) w21.06 6-7 ¶15-18—Ikpɛyi Ɛla: Ta Ācɛ Nɛ A Gē Ya Oklɔcɛ Ku Ubáyíbu Mla Uwa Abɔ Kéē Je Owoofu Lɛ Ujehofa. (th oklɔcɛ ɔmɛ 10)

ƐGƐ NƐ ĀCƐ O YƐCE UKRAIST GĒ LĀ OYEEYI

Ijé Ɔmɛ 10

7. Ɛgɛ Nɛ A Géē Gbɔɔ Ɔka Ō Ka Ɔwɛ Olɔhi Eko Nɛ Á Yɔ I Tɔɔna Ŋ

(uminiti 10) Ɔka o ka.

Ɔwɛ éyi nɛ alɔ lɔfu cɛtra Ujehofa tōōtɔ̄ɔ̄ fiyɛ a wɛ eko nɛ alɔ gē tɔɔna lɛ ācɛ nɛ alɔ má eko nɛ alɔ gē yuklɔ ku alɔ ɛ̄cī doodu a. (Aíjē 35:28) Eko aflɛyi, ō kɛla Ɔwɔico eko nɛ alɔ i yɔ i tɔɔna ŋ ma lɔfu tu alɔ ufi. Amáŋ, eko duuma nɛ alɔ nwu ō gbɔɔ ɔka ō ka klla gɔbu mla ɔka ō ka ɔwɛ olɔhi, alɔ géē ya lɔhi fiyɛ klla jɔɔnyɛ nu!

Ifoto ŋma ipu uvidio nōo kahinii: “Le Tutu Ō “Tɔ́ɔna Kú Ɔ̄kōolɔhi Kú Ɛbɔ́ A”—Wɛ Ɔcɛ Aflɛyi Nōo Géē Gbɔɔ.” Ɔyinɛ nɔnya éyi gbɔɔ ɔka ō ka mla ɛ́nɛ́ nōo yaajɛ ɛgiyi utebulu nōo kwu ɔ ajaajɛ ɛga néē gē je ɔdole lá.

Lɛ UVIDIO nyā mafu nōo kahinii: Le Tutu Ō “Tɔ́ɔna Kú Ɔ̄kōolɔhi Kú Ɛbɔ́ A”—Wɛ Ɔcɛ Aflɛyi Nōo Géē Gbɔɔ. Cɛɛ a lɛ ɔka nyā da ayinɛ a kahinii:

Ɔdi nɛ a nwu ŋma ipu uvidio nyā nōo lɔfu ta uwɔ abɔ ō ya lɔhi fiyɛ ō kɛla Ɔwɔico eko nɛ á yɔ i tɔɔna ŋ ma?

Ohi ku uwɔ

Aɛlā nōo ba nyā wɛ aɛlā ōhī nōo lɔfu ta uwɔ abɔ ō gbɔɔ ɔka ō ka:

Dɔka ɔwɛ ōhī nɛ a géē gbɔɔ ɔka ō ka eko duuma nɛ a bɛɛcɛ ŋma ɔlɛ uwɔ. Gbɔɔkɔ lɛyikwu ɔ, ku a klla ba Ujehofa kóō ta uwɔ abɔ yɛ fu ācɛ nōo géē dɔka ō jahɔ
Gbonɛnɛ ku a klla mafu ku a lɛ ɛlá wu ācɛ nɛ a yɔ i kɛla lɛ uwa a. Ceyitikwu ku a jé ɔcɛ a lɔɔlɔhi o ya ɛɛ ku a kɛla ŋma Ubáyíbu nōo géē lɛ abɔ kwu ɔ ɔtu
Ceyitikwu ku a miyɛ inɔmba ku nu amāŋ jé ulayi ɛga nɛ ó lā a, ɔdaŋ kóō cika
Ɔtu ku uwɔ kóō hii biya ŋ, ɔdaŋ ku ɔka ō ka kwu ŋmɛyi gbɔbu ɛɛ ku a kɛla Ɔwɔico
Gbɛla lɛyikwu ɔcɛ a igbihi nɛ aa lɛ ɔka ka mɛ. Gɔbu ku a mafu ku a lɛ ɛlá wu ɔ oŋma lɛ ō tu ulink ku ɔgba ku Ubáyíbu amāŋ ikpɛyi ɛlā ŋma ipu jw.org ɛhɔ fu ɔ

Lɛ ɛnyā jama: Ɔdaŋ ku ɔcɛ da uwɔ kahinii: ‘Abɔ a yɔ lɛ?,’ da ɔ lɛyikwu ɔdā nɛ a nwu ŋma ōjila ku ujɔ amāŋ lɛyikwu uklɔ nɛ a gē ya ō nwu ācɛ ɛlā ŋma ipu Ubáyíbu a.