ƆYA ƆMƐTA 17-23
AÍITA 5
Ijé Ɔmɛ 122 mla Ɔkɔ o gba | Aɛlā O Bi Gbɔɔ (uminiti 1)
1. Le Kwu Ligbo Ligbo Ŋma Ikpo Ɔnyā Ɔhá Ō Ce Amāŋ Aja Ō Gbo
(uminiti 10)
Ikpo ɔnyā ɔhá ō ce amāŋ aja ō gbo lɔfu wɛ ojama nɛhi (Aíit. 5:3; w00 7/15 29 ¶1)
Ikpo ɔnyā ɔhá ō ce amāŋ aja ō gbo gē ya ku ɔcɛ kóō hii lɛ eeye ŋ klla gē hiijema (Aíit. 5:4, 5; w00 7/15 29 ¶2)
Le kwu ligbo ligbo ŋma ikpo ɔnyā ɔhá ō ce amāŋ aja ō gbo (Aíit. 5:8; w00 7/15 29 ¶5)
Ɔyinɛ alɔ nɔnya nōo wɛ Ɔcɛ Ō Yɛce Ukraist ta ō je inɔmba ku nu lɛ ɔcɛnyilɔ éyi nōo wɛ ɛdrɔ
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
Aíit. 5:18, 19—Ɛgɛnyá nɛ Ujehofa gē leyi má ō gwuta ku ɔcɛnya mla ɔcɛnyilɔ a? (lff ɛlā ō nwu ɔmɛ 41 ogwotu 1)
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíit. 5:1-23 (th oklɔcɛ ɔmɛ 5)
4. Ō Gbɔɔ Ɔka Ō Ka
(uminiti 3) Ō TƆƆNA ƐGA NƐ ƐWA KU ĀCƐ GĒ BA. Hi ɔcɛ nɛ ó wɛ Ɔcɛ Ō Yɛce Ukraist ŋ igwú wa Oblatu, ku a klla bi u jw.org le dɔka ɛga néē géē ya oblatu a nōo kwu ɔcɛ ɔɔma ajaajɛ. (lmd ɛlā ō nwu ɔmɛ 6 ogwotu 4)
5. Ōcigbihi Nyɔ
(uminiti 4) Ō ŊMA ƆLƐ GĀ ƆLƐ. Eko nɛ a gā ɛgiyi ɔcɛ ɔɔma amoomɛ a, ɔcɛ a miyɛ ɔkpá ō higwu ku ikwū ku Ujisɔsi a klla mafu ku ɛlā a he ɔ ɔtu. (lmd ɛlā ō nwu ɔmɛ 9 ogwotu 5)
6. Ō Lɛ Ācɛ Piya Ayikpo
(uminiti 5) lff ɛlā ō nwu ɔmɛ 16 ɔdi nɛ a nwu a?, aɔka ō tu alɔ ɛlá kwu ɔdā nɛ alɔ nwu, mla ɔdā nɛ a géē ya. Eko nɛ ɔcɛ nɛ a gē klɔcɛ mla ɔ a dɔka ɔdaŋ ka Ujisɔsi lɛ ɔnyā, le mafu lɛ ɔ ɛgɛ nɛ ó géē dɔka ohi a. (lmd ɛlā ō nwu ɔmɛ 11 ogwotu 4)
Ijé Ɔmɛ 121
7. Gbɛla Lɛyikwu Ɔdā Nɛ Aa Géē Ya Ku Ɔtu Kóō He Ujehofa Eko Nɛ Aa Gbɔɔ Ō Jé Iyi Aa O Ya Ɛɛ Ku Aa Kwu Iyi Aa I Lɛ A
(uminiti 15) Ɔka o ka.
Ɛgɛ nɛ ācɛ alɛwa ipu oduudu ɛcɛ jɛyi nu a, eko nɛ ācɛ ɛpa yɔ i jé iyi uwa o ya ɛɛ kéē kwu iyi uwa u lɛ a, “lɛ ō ya mla ō lɛ eko taajɛ yɔ tɔha mla iyi uwa klla mafu ihɔtu ɔkwɛyi lɛ iyi uwa ŋma ɔtu.” É lɔfu ya ɛnyā eko néē yɔ ɛga nɛ ācɛ ba amāŋ ya ɔ tayinu, é lɔfu da ācɛ ku aa yɔ i jé iyi aa, é kē lɔfu da ācɛ ŋ, ó kē wɛ eko néē yɔ mla iyi uwa eyī caa foofunu ŋ, amáŋ, é lɔfu kɛla ō bu ipu ɔdā ō le gwo uwaya amāŋ ō tu umɛseji ɛhɔ. Alɔ i gē leyi má eko nɛ ācɛ ɛpa gē jé iyi uwa o ya ɛɛ kéē kwu iyi uwa i lɛ a ka ija ō he ŋ, amáŋ alɔ má ɔ ka ɔdā okpɔcii néē cika ō ya gbɔbu ɛɛ kéē lɛ iyi uwa. Ɔdi gáā ta ācɛ ɛpa nōo yɔ i jé iyi uwa o ya ɛɛ kéē kwu iyi uwa i lɛ a abɔ kéē hii gbo aja amāŋ cikpo iyi uwa ŋ ma a?—Aíit. 22:3.
Lɛ UVIDIO nyā mafu Ō Ya Otutu Ku Ɔba Mla Ɔnyā Ō Lɛ—Aya 1: N Le Tutu Ō Gbɔɔ Ō Jé Ɔcɛ O Ya Ɛɛ Ku Alɔ Kwu Iyi Alɔ I Lɛ Ɛ?—Aya Ō Kpii Ku Nu. Cɛɛ a lɛ ɔka nōo ba nyā da ayinɛ a kahinii:
Ɔdiya nɛ ɔcɛ i cika ō gbɔɔ iyawu ku ɔba amāŋ ɔnyā ō lɛ ŋ jaa gbeeko nɛ ó le tutu ō lɛ ɔba amāŋ ɔnyā a? (Aíit. 13:12; Ulúk. 14:28-30)
Ɔdi he uwɔ ɔtu lɛyikwu ɛgɛ nɛ ɛ́nɛ́ mla adā ta ɔyi uwa nɔnya abɔ a?
Jé Aíita 28:26. Cɛɛ a lɛ ɔka nōo ba nyā da ayinɛ a kahinii:
Ɛgɛnyá nɛ ɔcɛnya mla ɔcɛnyilɔ nōo yɔ i miya kóō lɛ iyi uwa géē leyi kwɛɛcɛ lɛyikwu ɔdā nōo géē ya kéē gwuta mla iyi uwa a?
Ɔdiya nōo wɛ ɔdā ijeeyi ka ɔcɛnya mla ɔcɛnyilɔ nōo yɔ i miya kóō lɛ iyi uwa kéē lɛ ɛji lɛ lɛyikwu ɛgɛ néē géē mafu ihɔtu lɛ iyi uwa, bɛɛka ō lɛ abɔ bi iyi uwa abɔ mɛmla ō lɛ okonu kwu okonu a?
Jé Ācɛ Ɛ́fēsɔsi 5:3, 4. Cɛɛ a lɛ ɔka nyā da ayinɛ a kahinii:
Ɔdi nɛ ɔcɛnyilɔ mla ɔcɛnya nōo yɔ i dɔka ō lɛ iyi uwa géē bi ipu ɔtu eko duuma néē yɔ i kɛla ō bu ipu ɔdā ō le gwo uwaya amāŋ ipu intanɛti a?
8. Ubáyíbu Oklɔcɛ Ku Ujɔ
(uminiti 30) bt ɛyi 24 ¶1-6