5 Ndị E-aị gburu mmadụ iri atọ na isii n’ime ha, sikwa n’ihu ọnụ ụzọ ámá obodo ha chụrụ ha ruo Shebarim.* Ha nọkwa na-egbu ha ruo ná mkpọda ugwu obodo ahụ. N’ihi ya, obi wụnyere ndị Izrel n’afọ.*

24 Joshụa na ndị Izrel niile wee kpọrọ Ekan+ nwa Zira, chịrịkwa ọlaọcha ahụ na ọmarịcha uwe ahụ na mkpirisi ọlaedo ahụ,+ kpọrọkwa ụmụ ya ndị nwoke na ụmụ ya ndị nwaanyị, kpụrụkwa ehi ya na jakị ya na ìgwè ewu na atụrụ ya, burukwa ụlọikwuu ya na ihe ya niile, rute na Ndagwurugwu Ekọ.+ 25 Joshụa wee sị ya: “Gịnị mere i ji kpatara anyị ọdachi?*+ Jehova ga-akpatakwara gị ọdachi taa.” Ndị Izrel niile wee tụọ ha nkume,+ mechaakwa gbaa ha ọkụ.+ Otú a ka e si jiri nkume tụgbuo ha niile.