3 “Jehova na-agwa m okwu, mụ ana-agwa unu ihe ọ na-agwa m ugboro ugboro,* ma unu anaghị ege ntị.+ Ihe a na-eme kemgbe afọ iri abụọ na atọ, malite n’afọ nke iri na atọ n’ọchịchị Josaya+ nwa Emọn, bụ́ eze Juda.

15 Anọ m na-ezitere unu ndị ohu m niile, bụ́ ndị amụma. M na-ezite ha ugboro ugboro,*+ ha ana-asị unu, ‘Biko, ka onye ọ bụla n’ime unu hapụ ihe ọjọọ ọ na-eme,+ mewe ihe ọma. Unu esokwala chi ọzọ dị iche iche, unu efekwala ha ofufe, ka unu wee biri n’ala m nyere unu na nna nna unu hà.’+ Ma unu atọghị ntị n’ala. Unu egeghịkwa m ntị.