Onye Nwere Obi Abụọ Ma Ka Nọgide Na-achọ

N’AKWỤKWỌ ozi e degaara alaka ụlọ ọrụ Ndịàmà Jehova dị na Slovenia, otu nwoke nke kwuru na ya bụ onye Roman Katọlik e mere baptism rịọrọ, sị: “Biko ziterenụ m otu broshuọ bụ́ Gịnị Ka Chineke Na-achọ n’Aka Anyị? Ọ ga-amasịkwa m inweta ihe ọmụma banyere otú m pụrụ isi na-enweta magazin Teta! mgbe nile n’ụlọ m.”

Nwoke ahụ kọwara, sị: “Biko unu aghọtahiela m. Ana m enwe obi abụọ banyere okpukpe, ma ọ fọrọ nke nta ka akpata oyi wụọ m n’ahụ mgbe m gụrụ Teta! n’ihi na ọ dịghị ekwesi olu ike kama ọ na-akọwa ihe n’ụzọ doro anya ma na-ezi ihe.” Mgbe ahụ o zoro aka n’otu magazin okpukpe a ma ama ma kwuo na ọ na-emegharị nnọọ ndị mmadụ anya.

Nwoke ahụ kọwara ihe mere na ya edejupụtaghị akwụkwọ ahụ a pụrụ ịdọkapụta adọkapụta dị n’azụ Teta! iji rịọ ka e nye ya broshuọ Na-achọ ma họrọ iji aka ya deta akwụkwọ ozi. “Achọghị m imebi magazin Teta!” ka o kwuru. “Achọrọ m ka ihe ọ bụla ghara ịpụ na ya!”

Broshuọ ahụ nwere peeji 32 bụ́ Gịnị Ka Chineke Na-achọ n’Aka Anyị? nwere ihe ọmụmụ 16. N’ime ha, e kwuru banyere ozizi ndị bụ́ isi nke Bible, sikwa na Bible weta ihe ọmụma igosi ihe dị mkpa ka anyị mee iji nweta nnwapụta Chineke. Ọ bụrụ na ọ ga-amasị gị inweta otu broshuọ a, kpọtụrụ Ndịàmà Jehova nọ n’ógbè gị. Ọ bụrụ na ị ga-achọ ka mmadụ kpọtụrụ gị, biko dejupụta ma zite akwụkwọ na-esonụ a pụrụ ịdọkapụta adọkapụta n’adres e dere na ya ma ọ bụ n’adres kwesịrị ekwesị e depụtara na peeji nke 5 nke magazin a.

□ Biko kpọtụrụnụ m iji duziere m ọmụmụ Bible ebe obibi n’efu.

[Foto dị na peeji nke 32]

Nde 113 n’asụsụ 240