Ha Ji Aha Chineke Eme Ihe n’Ebe Etiti Africa

IHE ka nnọọ n’ọnụ ọgụgụ ná ndị bi n’Ebe Etiti Africa kweere na Chineke. Ha enweghị obi abụọ ọ bụla na ọ bụ Onye Okike nke ihe nile. (Mkpughe 4:11) Otú ọ dị, dị nnọọ ka ọtụtụ ndị nọ n’ebe ndị ọzọ, ha na-elegharakarị aha aka ya—Jehova—anya.

Ndị bi n’Ebe Etiti Africa, nakwa n’akụkụ ndị ọzọ nke ụwa, na-ezo aka n’aha Chineke mgbe ha na-asị, “Ka e doo aha Gị nsọ” n’Ekpere Onyenwe Anyị. (Matiu 6:9) Ma ruo ogologo oge, ọ bụ mmadụ ole na ole maara aha ahụ. Otú ọ dị, ruo ọtụtụ afọ, ọrụ nkwusa Ndịàmà Jehova ji ịnụ ọkụ n’obi na-arụ emewo ka ndị mmadụ gbanwee àgwà ha nwere n’ebe iji aha Chineke eme ihe dị. Taa, a maara aha Chineke nke ọma ma nakwere ya n’ọtụtụ asụsụ Africa, dị ka Zulu (uJehova), Yoruba (Jehofah), Xhosa (uYehova) na Swahili (Yehova). Ma, ọtụtụ nsụgharị Bible e nwere n’asụsụ ndị a ka na-ezere iji aha Chineke eme ihe.

Otu nsụgharị mara mma nke ji aha Chineke mee ihe bụ Bible dị n’asụsụ Zande, bụ́ asụsụ a na-asụ n’akụkụ ụfọdụ nke Central African Republic, Sudan, na Democratic Republic of Congo. N’akụkụ ahụ nke ụwa, ndị mmadụ ji aha Chineke eme ihe, na-asụpe ya ịbụ Yekova n’asụsụ ala ha. N’agbanyeghị otú e si akpọ aha Chineke n’asụsụ mba, ọ dị mkpa ka e jiri ya na-eme ihe. N’ihi gịnị? N’ihi na “onye ọ bụla nke ga-akpọku aha Onyenwe anyị, a ga-azọpụta ya.”—Ndị Rom 10:13.

[Map/Foto dị na peeji nke 32]

(Ị chọọ ịhụ ebe e sere map a, gaa n’akwụkwọ a nke e biri ebi)

SUDAN

CENTRAL AFRICAN REPUBLIC

DEMOCRATIC REPUBLIC OF CONGO

[Ebe E Si Nweta Foto]

The Complete Encyclopedia of Illustration/J. G. Heck