Ụbọchị A Ga-echeta

N’ANYASỊ ahụ tupu ọ nwụọ, Jizọs Kraịst nyere ndịozi ya otu ogbe achịcha na-ekoghị eko na iko mmanya na-acha ọbara ọbara dị n’ime ya wee gwa ha ka ha rie ma ṅụọ. Ọ gwakwara ha, sị: “Nọgidenụ na-eme nke a iji na-echeta m.”—Luk 22:19.

N’afọ a, ememe mgbaafọ nke ihe omume a dabara na Sunday, April 4, mgbe anyanwụ dasịrị. Ndịàmà Jehova gburugburu ụwa ga-ezukọ n’anyasị a ime Ememe Ncheta a n’ụzọ Jizọs nyere n’iwu. E ji nnọọ obi ụtọ na-akpọ gị òkù isonyere ha. Biko jụọ Ndịàmà Jehova nọ n’ógbè gị oge na kpọmkwem ebe a ga-enwe nzukọ a pụrụ iche.