Isiokwu Ndị Dị n’Ụlọ Nche A

Isiokwu a kwuru otú isiokwu afọ 2017 si agba anyị ume ka anyị tụkwasị Jehova obi na ọ ga-enyere anyị aka mgbe nsogbu bịaara anyị. Akụkọ gbasara ndị ji obi ha dum fee Jehova n’oge ochie ga-akụziri anyị otú anyị ga-esi atụkwasị Jehova obi na ọ ga-enyere anyị aka, anyị ana-emekwa ihe anyị nwere ike ime iji dozie nsogbu anyị, na-enyekwara ndị ọzọ aka.

N’isiokwu a, anyị ga-amụta otú anyị ga-esi ejiri kike Chineke nyere anyị ikpebi ihe anyị ga-eme eme ihe dị ya mma. Anyị ga-ahụkwa otú anyị ga-esi gosi na anyị ghọtara na ọ bụ ndị ọzọ ka ọ dịịrị ikpebiri onwe ha ihe ha ga-eme.

Isiokwu abụọ a ga-enyere anyị aka ịghọtakwu ihe ọmarịcha àgwà ahụ bụ́ ịdị umeala n’obi pụtara. Isiokwu nke mbụ ga-akọwara anyị ihe e ji ama onye dị umeala n’obi na ihe e ji ama onye na-adịghị umeala n’obi. Isiokwu nke abụọ ga-akụziri anyị otú anyị ga-esi nọgide na-adị umeala n’obi ma mgbe e nwere ihe mere ka o sie ike ime otú ahụ.

Ka otu ọgbọ na-anọchi ọgbọ ọzọ, ndị na-eto eto na-ewere ọrụ ndị merela agadi na-arụbu. Isiokwu a ga-enyere anyị aka ịghọta otú ndị merela agadi ga-esi enyere ndị na-eto eto aka nakwa otú ndị na-eto eto ga-esi amụta ihe n’aka ha.