Nyere Ndị Ọzọ Aka Irite Uru Site na Broshuọ Bụ́ Gịnị Na-eme Anyị Mgbe Anyị Nwụrụ?

A mụrụ broshuọ ahụ bụ́ Gịnị Na-eme Anyị Mgbe Anyị Nwụrụ? n’Ọmụmụ Akwụkwọ Ọgbakọ n’oge na-adịbeghị anya. Anyị kwere na mmadụ nile eritewo uru site na ya.

Broshuọ ahụ nwere ihe ọmụma nke pụrụ ịbara ndị anyị na-ezute n’ozi uru. Ọ na-akọwa mmalite nke ozizi anwụghị anwụ nke mkpụrụ obi ma na-enyocha otú echiche ahụ siworo ghọọ ozizi bụ́ isi n’ihe fọrọ nke nta ka ọ bụrụ okpukpe nile dị n’ụwa. Ọ na-akọwa n’ụzọ na-adọrọ mmasị ihe Bible na-ekwu banyere mkpụrụ obi, ihe mere anyị ji na-anwụ anwụ, ọnọdụ ndị nwụrụ anwụ, olileanya e nwere maka ịdị ndụ mgbe a nwụsịrị, na ihe mere o ji dị anyị mkpa ịmara ihe bụ eziokwu banyere ihe ndị a.

E nwere ihe dị ka ihe osise 40, nakwa nhota okwu ndị dị ná mmalite nke nkebi ọ bụla, bụ́ ndị a pụrụ iji kpalie mmasị ndị mmadụ. A pụrụ iji nkebi ikpeazụ ya mee ihe mgbe a na-agwa mmadụ ka e duziere ya ọmụmụ Bible ebe obibi. Ọtụtụ ndị enwewo ihe ịga nke ọma n’iji broshuọ a mee ihe n’ozi. Anyị na-agba mmadụ nile ume iji ya eme ihe mgbe ọ bụla ohere ya dapụtara.