Ịma Ọkwa

◼ Akwụkwọ a ga-enyefe na February: Akwụkwọ bụ́ Isi Ihe Na-akpata Obi Ụtọ Ezinụlọ. March: Nyefee akwụkwọ bụ́ Gịnị n’Ezie Ka Bible Na-akụzi? Gbaa mbọ ịmalitere ndị mmadụ ọmụmụ Baịbụl. April na May: Magazin Ụlọ Nche na Teta! A ga-eme mgbalị pụrụ iche ileta ndị bịara Ncheta Ọnwụ Jizọs na okwu ihu ọha pụrụ iche bụ́ ndị na-anọghị n’ọgbakọ. Ihe a ga-ebu n’obi mee nleta ahụ bụ ịmalitere ndị a na-amalitebeghịrị ọmụmụ Baịbụl ọmụmụ Baịbụl.

◼ Ebe ọ bụ na March nwere ngwụsị izu ise zuru ezu, ọ ga-abụ ọnwa magburu onwe ya iji rụọ ọrụ ọsụ ụzọ inyeaka.

◼ Odeakwụkwọ na onye nlekọta ije ozi kwesịrị inyocha ozi nke ndị ọsụ ụzọ oge niile. Ọ bụrụ na ọ dị ndị ọ na-esiri ike ịrụzu awa ole a chọrọ ha n’aka, ndị okenye kwesịrị ime ndokwa ka e nyere ha aka.

◼ Isiokwu nke okwu ihu ọha pụrụ iche maka oge Ncheta Ọnwụ Jizọs nke afọ 2008 ga-abụ “Ònye Ruru Eru Ịchị Ụmụ Mmadụ?” Lee ịma ọkwa yiri ya nke dị n’Ozi Alaeze Anyị nke September 2007.