Jehova Na-echebe Ndị Ya

Ememme Ngabiga nke mbụ ahụ ụmụ Izrel mere dị ezigbo mkpa. N’abalị ahụ, mgbe Fero chọpụtara na ọkpara ya anwụọla, ọ gwara Mozis, sị: “Bilienụ, sinụ n’etiti ndị m pụọ, ma unu ma ụmụ Izrel ndị ọzọ, gaanụ jeere Jehova ozi, dị nnọọ ka unu kwuru.” (Ọpụ. 12:31) Jehova egosila n’eziokwu na ọ na-echebe ndị ya.

Anyị leba anya n’akụkọ ndị Jehova nke oge a, anyị ga-achọpụta n’eziokwu na Jehova na-edu ndị ya ma na-echebe ha. N’ebe a na-egosi ihe mgbe ochie n’isi ụlọ ọrụ anyị, o nwere mpaghara ebe a kpọrọ, “Ndị Jehova Kpọkwasịrị Aha Ya.” Ọ bụ n’ebe ahụ ka e gosiri ọtụtụ ihe banyere otú Jehova si edu ndị ya ma na-echebe ha n’oge anyị a.

LEENỤ VIDIO BỤ́ ILEGHARỊ ANYA N’EBE NGOSI IHE MGBE OCHIE DỊ NA WỌWIK: “NDỊ JEHOVA KPỌKWASỊRỊ AHA YA,” ZAAKWANỤ AJỤJỤ NDỊ A:

• 

  Malite n’afọ 1914, olee ngwá ọrụ pụrụ iche Ndị Mmụta Baịbụl ji mee ka ndị mmadụ nwee okwukwe na Baịbụl, oleekwanụ otú o si baa uru?

• 

  Olee nsogbu ndị bịara n’afọ 1916 na 1918, oleekwa ihe gosiri na ọ bụ Jehova na-eduzi nzukọ a?

• 

  Olee otú ndị Jehova sirila jidesie okwukwe ha ike n’agbanyeghị mmegide?

• 

  Olee ihe ọhụrụ ndị Jehova ghọtara n’afọ 1935, oleekwa ihe o mere ka ha mee?

• Ọ bụrụ na ị gaala legharịa anya n’ebe ngosi ihe mgbe ochie dị n’isi ụlọ ọrụ anyị ma ọ bụkwanụ nke dị n’alaka ụlọ ọrụ unu, olee ihe ndị ị hụrụ mere ka obi sikwuo gị ike na Jehova na-edu ma na-echebe ndị ya?