JULAỊ 29–ỌGỌST 4
ABỤ ỌMA 69
Abụ nke 13 na Ekpere | Okwu Mmeghe (1 nkeji)
1. Ihe Ndị E Buru n’Amụma n’Abụ Ọma 69 Mezuru ná Ndụ Jizọs
(Nkeji 10)
Ndị mmadụ kpọrọ Jizọs asị n’agbanyeghị na o nweghị ihe o mere ha (Ọma 69:4; Jọn 15:24, 25; w11 8/15 11 ¶17)
Ihe gbasara ụlọ Jehova nụrụ Jizọs ọkụ n’obi (Ọma 69:9; Jọn 2:13-17; w10 12/15 8 ¶7-8)
Obi gbawara Jizọs, e nyekwara ya mmanya a gwara ihe na-elu ilu ka ọ ṅụọ (Ọma 69:20, 21; Mat. 27:34; Luk 22:44; Jọn 19:34; g95 10/22 31 ¶4; it-2 650)
AJỤJỤ Ị GA-ECHEBARA ECHICHE: Gịnị mere Jehova ji mee ka e dee amụma ndị gbasara Mezaya n’Akwụkwọ Nsọ Hibru?
2. Ihe Anyị Mụtara n’Okwu Chineke
(Nkeji 10)
Ọma 69:30, 31—Olee otú amaokwu ndị a ga-esi enyere anyị aka ime ka ekpere anyị na-aka mma? (w99 1/15 18 ¶11)
Gịnị ka ị mụtara n’ọgụgụ Baịbụl nke izu a ị ga-achọ ịkọ?
3. Ọgụgụ Baịbụl
(Nkeji 4) Ọma 69:1-25 (th ihe ọmụmụ nke 2)
4. Na-enwe Ndidi—Ihe Jizọs Mere
(Nkeji 7) Okwu ndị na-ege ntị ga-etinyetụ ọnụ. Kpọnye VIDIO, unu ekwurịtazie ihe dị na lmd isi nke 8 nọmba nke 1-2.
5. Na-enwe Ndidi—Na-eme Ka Jizọs
(Nkeji 8) Okwu ndị na-ege ntị ga-etinyetụ ọnụ. O si na lmd isi nke 8 nọmba nke 3-5 na “I Nwekwara Ike Ịgụ.”
Abụ nke 134
6. Mkpa Ọgbakọ
(Nkeji 5)
7. Ihe Ndị Ga-eme Ka Ofufe Ezinụlọ Na-aga Nke Ọma
(Nkeji 10) Okwu ndị na-ege ntị ga-etinyetụ ọnụ.
Na Jenụwarị afọ 2009, e kwuru na a ga na-emekọtazi Ọmụmụ Akwụkwọ Ọgbakọ, Ụlọ Akwụkwọ Ije Ozi Ọchịchị Chineke, na Nzukọ Ije Ozi n’ọmụmụ ihe etiti izu. Ihe a mere ka ezinụlọ dị iche iche nwee otu mgbede ha ga na-eji enwe ofufe ezinụlọ ha n’izu ọ bụla. Ọtụtụ ndị ekwuola na obi dị ha ụtọ maka ndokwa a e mere ka ha nwee ike ịbịarukwu Jehova na ndị ezinụlọ ha nso.—Diut. 6:6, 7.
Olee ihe ụfọdụ ga-enyere ndị isi ezinụlọ aka ime ka Ofufe Ezinụlọ ha na-aga nke ọma?
Gbalịa ka unu na-enwechi ya anya. O kwe mee, nwee ụbọchị na oge a kapịrị ọnụ unu ga-eji na-enwe ofufe ezinụlọ n’izu ọ bụla. Kpebiekwa ụbọchị ọzọ unu ga-eji enwe ya ma ọ bụrụ na e nwee ihe mere ka ụbọchị nke mbụ ghara ịdaba
Kwadebe nke ọma. Gwa nwunye gị ka ọ tụọrọ gị aro ihe unu nwere ike iji eme ofufe ezinụlọ. Mgbe ụfọdụ, gwakwa ụmụ gị ka ha tụọ aro ihe unu ga-eji eme ya. Ọ dịghị mkpa iji oge buru ibu kwadebe ihe unu ga-eme, karịchaa, ma ọ bụrụ na ihe unu ji eme ya n’izu ọ bụla yiri
Hụ na ihe unu ga-eji eme ya ga-abara ezinụlọ gị uru. Ka ụmụaka na-eto, mkpa ha na ikike nghọta ha na-agbanwe. N’ihi ya, ihe unu ga na-eme n’ofufe ezinụlọ kwesịrị ịbụ ihe ga-enyere onye nke ọ bụla aka ịbịarukwu Jehova nso
Mee ka oge ofufe ezinụlọ unu bụrụ oge obi ụtọ. Mgbe ụfọdụ, lee ma ùnu ga-anọ n’èzí mee ofufe ezinụlọ unu ma ọ bụrụ na ihu ígwé dị mma. Unu metụ, unu ejiri nkeji ole na ole zurutụ ike, ma ọ bụrụ na ọ dị mkpa. Unu zuchaa, unu amaliteghachikwa. Ọ bụ eziokwu na unu nwere ike iji oge ofufe ezinụlọ unu kwurịta nsogbu ụfọdụ ụmụ unu na-enwe, ma ejikwala oge a abara ha mba ma ọ bụ adọ ha aka ná ntị
Meenụ ihe dị iche iche n’ofufe ezinụlọ unu. Dị ka ihe atụ, unu nwere ike iji oge ofufe ezinụlọ unu kwadebe ihe ụfọdụ a ga-amụ n’ọmụmụ ihe, jiri ya lee otu vidio dị na jw.org ma kwurịta ihe dị na ya, jirikwa ya mụgharịa otú unu ga-esi ezi ozi ọma. Ọ bụ eziokwu na ihe bụ́ isi a na-eme n’Ofufe Ezinụlọ bụ mkparịta ụka, ma unu nwekwara ike iwepụta oge onye nke ọ bụla ga-eji mụọ ihe n’onwe ya
Jụọ ụmụnna ajụjụ a:
Olee otú unu sirila mee ihe ndị a n’ofufe ezinụlọ unu?
8. Ọmụmụ Baịbụl Ọgbakọ
(Nkeji 30) rr isi nke 12 ¶15-21