Ihe A Na-aga Ịkọ ná Nkebi nke 10

Jehova bụ Eze kachanụ ma n’eluigwe ma n’ụwa. Ihe o kwuru na-eme, ọ ga na-emekwa ruo mgbe ebighị ebi. Dị ka ihe atụ, ọ napụtara Jeremaya n’olulu a tụbara ya ka ọ nọrọ nwụọ. Ọ napụtakwara Shedrak, Mishak, na Abednego mgbe a tụbara ha ná nnukwu ọkụ a kwanyere, napụtakwa Daniel n’olulu ọdụm. Jehova chebere Esta ka o si n’aka ya napụta ndị obodo ya niile. Ọ gaghị ekwe ka ihe ọjọọ dịgide ruo mgbe ebighị ebi. Ihe ndị e kwuru na Baịbụl gbasara otu nnukwu ihe a kpụrụ akpụ na otu nnukwu osisi Nebukadneza rọrọ ná nrọ gosiri na Alaeze Jehova ga-eme ka ihe ọjọọ niile kwụsị n’oge na-adịghị anya, chịakwa ụwa.