“Mụrụnụ Anya”
1 Mgbe ọ kọwasịrị ihe omume ndị dị mkpa bụ́ ndị ga-aka mgbe ikpeazụ nke usoro ihe a akara, Jisọs gbara ndị na-eso ụzọ ya ume ka ha ‘mụrụ anya.’ (Mak 13:33) N’ihi gịnị ka ndị Kraịst na-aghaghị iji mụrụ anya? N’ihi na anyị na-ebi n’oge kasị dịrị egwu n’akụkọ ihe mere eme nke mmadụ. Anyị ekwesịtụghị iro ụra n’ụzọ ime mmụọ. Nke ahụ ga-eme ka anyị ghara iji ọrụ Jehova nyere anyị ịrụ na mgbe ọgwụgwụ a kpọrọ ihe. Olee ọrụ ọ bụ?
2 Jehova na-eme ka ndị ya kpọsaa ozi ọma banyere Alaeze ya n’ụwa nile—nanị olileanya dịịrị ihe a kpọrọ mmadụ. Anyị isoro nzukọ Chineke na-arụkọ ọrụ na-eme ka a mara anyị dị ka ndị Kraịst bu oge ndị a na ịdị mkpa nke inyere ndị ọzọ aka ịnụ “okwu nke ndụ ebighị ebi” n’uche. (Jọn 6:68) Site n’iji ịnụ ọkụ n’obi na-ekere òkè n’ọrụ a dị oké mkpa, anyị na-enye ihe àmà na anyị mụ anya n’ụzọ ime mmụọ.
3 Ndị A Kpaliri Ime Nkwusa: Dị ka ndị àmà Jehova, anyị kwesịrị inwe echiche ziri ezi banyere ozi anyị. Ịhụnanya anyị nwere n’ebe Chineke na ndị agbata obi anyị nọ na-akpali anyị n’otu n’otu ikere òkè n’ọrụ nkwusa ahụ. (1 Kọr. 9:16, 17) Site n’ime otú ahụ, anyị ga-azọpụta onwe anyị nakwa ndị na-anụ olu anyị. (1 Tim. 4:16) Ka anyị kpebisie ike ikerechi òkè anya ruo n’ókè o kwere mee ma tinye oge ruo n’ókè ọ dị mkpa n’ikwusa banyere ọchịchị kasị mma nke ihe a kpọrọ mmadụ pụrụ inwe—Alaeze Chineke!
4 Otu eziokwu dị mkpa na-eme ka anyị ghọta ịdị ngwa nke ozi anyị—ntiwapụ nke oké mkpagbu ahụ ga-abịa mgbe anyị ka na-arụ ọrụ a. Ọmụma anyị na-amaghị ụbọchị na awa ahụ chọrọ anyị ịmụrụ anya na ịdị njikere mgbe nile, na-eji ekpere adabere na Jehova. (Efe. 6:18) Ebe a na-arụ ọrụ nkwusa ahụ nọgidere na-amụba. Ma otu ụbọchị n’oge na-adịghị anya, ọrụ ịgba àmà kasị ukwuu n’akụkọ ihe mere eme nke mmadụ ga-eru n’ọ̀tụ̀tụ̀ kasị elu.
5 Jiri ikwesị ntụkwasị obi na-agbaso iwu Jisọs nyere ka a ‘mụrụ anya.’ Nke a dị mkpa ugbu a karịa mgbe ọ bụla ọzọ. Ka anyị jiri echiche nke ịdị ngwa mee ihe. Taa na kwa ụbọchị, ka anyị mụrụ anya n’ụzọ ime mmụọ, nọrọ na nche ma na-arụsi ọrụ ike n’ozi Jehova. Ee, ka anyị “na-eche nche nweekwa anya udo.”—1 Tesa. 5:6.