Ihe E Dere n'Ala Ala Peeji

a N’ime narị afọ nke atọ O.A., Tertullian kwuru na ndị inyom “ndị na-ete ọgwụ dị iche iche n’ahụ ha, jiri ihe na-acha uhie uhie tee na ntì ha, jiri ọtanjele mee ka anya ha pụta ìhè, na-emehie megide Ya.” Ọ katọkwara ndị ahụ na-eteji agịrị isi ha. N’ịkọwahie okwu Jisọs dị na Matiu 5:36, Tertullian kwuru, sị: “Ha na-ekwugide Onyenwe anyị! Ha na-asị, ‘Lee! kama inwe agịrị isi dị ọcha ma ọ bụ oji, anyị na-eme ka [agịrị isi anyị] na-acha edo edo.’” O kwukwara, sị: “Ọbụna na ị pụrụ ịhụ ndị ihere na-eme na ha emewo agadi, ndị na-agbalịkwa ịgbanwe isi awọ ha ka ọ na-eji oji.” Nke ahụ bụ echiche onwe onye nke Tertullian nwere. Ma ọ na-agwagbu okwu, n’ihi na ịrụ ụka ya nile dabeere n’echiche ya nke bụ na ọ bụ ụmụ nwanyị kpatara ọnọdụ ọjọọ ihe a kpọrọ mmadụ nọ na ya, ya mere ha kwesịrị ‘ịgagharị dị ka Iv, na-eru újú, na-egosi nchegharị’ n’ihi ‘mweda n’ala nke mmehie mbụ ahụ.’ Bible ekwughị ihe ọ bụla dị otú ahụ; Chineke kwuru na ọ bụ Adam ka ụta dịịrị maka mmehie nke ihe a kpọrọ mmadụ.—Ndị Rom 5:12-14; 1 Timoti 2:13, 14.