Ihe E Dere n'Ala Ala Peeji

a N’okwu ahụ bụ́ “ọgbọ a,” otu ụdị nnọchiaha na-emesi ihe ike nke bụ́ houʹtos kwekọrọ nnọọ nke ọma n’okwu Bekee pụtara “nke a.” Ọ pụrụ izo aka n’ihe dị mgbe ahụ ma ọ bụ ihe nọ n’ihu onye ahụ na-ekwu okwu. Ma ọ pụkwara ịpụta ihe ndị ọzọ. Akwụkwọ bụ́ Exegetical Dictionary of the New Testament (1991) na-ekwu, sị: “Okwu bụ́ [houʹtos] na-egosi eziokwu doro anya dị mgbe ahụ. N’ihi ya [aion houʹtos] bụ ‘ụwa nke dị ugbu a’ . . . [geneaʹ haute] bụkwa ‘ọgbọ dị ndụ ugbu a’ (dị ka ihe atụ, Mat 12:41f., 45; 24:34).” Doctor George B. Winer na-ede, sị: “Nnọchiaha bụ́ [houʹtos] na-ezo aka mgbe ụfọdụ, ọ bụghị n’ebe mkpọaha kasị dịrị nso dị, kama na nke dị anya karị, bụ́ nke, dị ka ihe bụ isi a na-ekwu maka ya, bụ nke kasị dịrị nso n’uche, nke kasị dịrị n’echiche nke onye edemede ahụ.”—A Grammar of the Idiom of the New Testament, mbipụta nke 7, 1897.