Ihe E Dere n'Ala Ala Peeji

b O nwere ike ịbụ na ‘olu ahụ dị ala, nke dịkwa nwayọọ’ bụ mmụọ ozi ahụ nke “okwu Jehova” si n’ọnụ ya ruo Ịlaịja ntị, dị ka e kwuru ná 1 Ndị Eze 19:9. N’amaokwu nke 15, a kpọrọ mmụọ ahụ “Jehova.” Nke a nwere ike ime ka anyị cheta mmụọ ozi Jehova ji duo ndị Izrel mgbe ha nọ n’ala ịkpa. Chineke kwuru banyere mmụọ ozi ahụ, sị: “Aha m dị n’ime ya.” (Ọpụpụ 23:21) Anyị agaghị asị na ọ ga-abụrịrị Jizọs nwe olu ahụ, ma ọ dị mma icheta na tupu Jizọs abịa n’ụwa, o jere ozi dị ka “Okwu ahụ,” ya bụ, Ọnụ Na-ekwuchitere Chineke, bụ́ onye Jehova si n’aka ya zie ndị na-efe ya ozi.—Jọn 1:1.