-
Nwoke Obi Jehova NabataraỤlọ Nche—2011 | Septemba 1
-
-
Ọrụ ịzụ atụrụ adịghị mfe. E nwere ọtụtụ ihe nwere ike imerụ onye na-arụ ya ahụ́. Otu oge Devid nọ n’ugwu ahụ na-azụ atụrụ, ọdụm bịara buru otu atụrụ ya, anụ ọhịa bea bịakwara buru otu.a Nwa okoro a na-anaghị atụ ụjọ chụrụ anụ ọhịa ndị ahụ ọsọ, gbuo ha ma napụta atụrụ ya n’ọnụ ha. (1 Samuel 17:34-36) O nwere ike ịbụ n’oge a Devid na-azụ atụrụ ka ọ mụtara ịgba èbè. Obodo ndị ebo Benjamin adịghị anya n’obodo Devid. E ji ịgba èbè mara ebo Benjamin, “onye ọ bụla n’ime [ndị agha] ha na-eji nkume agbata ihe há ka otu ntutu isi, ha adịghị agbajọ.” Ọ bụkwa otú a ka Devid si agba èbè.—Ndị Ikpe 20:14-16; 1 Samuel 17:49.
-
-
Nwoke Obi Jehova NabataraỤlọ Nche—2011 | Septemba 1
-
-
a E nwere anụ ọhịa bea ndị na-acha nchara nchara ná mba Siria. Ebe a na-ahụkarịbu ha bụ n’Izrel na obodo ndị gbara ya gburugburu. Ha na-ebu ezigbo ibu. Ha na-adị ihe dị ka otu narị kilogram na iri anọ n’arọ, otu n’ime ha nwekwara ike iji aka ya nkịtị kụgbuo mmadụ. O nwere mgbe ọdụm juru eju n’Izrel. Aịzaya 31:4 kwuru na ọ bụrụ na “nwa ọdụm tojuru etoju” anọrọ n’elu anụ ọ dọgburu, a kpọkọtagodị “ndị niile na-azụ atụrụ” ka ha chụpụ ya, ha agaghị achụpụli ya.
-