Jizọs kụziri ọtụtụ ihe ga-abara ndị di na nwunye uru. Dị ka ihe atụ, ọ sịrị: “ ‘Nwoke ga-ahapụ nna ya na nne ya wee rapara n’ahụ́ nwunye ya, ha abụọ ga-abụ otu anụ ahụ́’ . . . Ya mere, ihe Chineke kekọtara, mmadụ ọ bụla atọsala ya.” (Matiu 19:​5, 6) Ọ dịkarịa ala, e nwere ihe abụọ ebe a kwuru ga-abara ha uru.

“IHE CHINEKE KEKỌTARA.” Alụmdi na nwunye dịkwa nsọ n’anya Chineke. Di na nwunye ghọtara nke a na-eme ike ha ka alụmdi na nwunye ha bụrụ a kwaa akwụrụ. Ha anaghị achọwa otú ha ga-esi etisa ma ha nwee nsogbu. Ịhụnanya ha na-esi ezigbo ike, bụrụkwa a kwaa akwụrụ. Ụdị ịhụnanya a na-eme ka ha “na-edi ihe niile,” na-agbalị idozi nsogbu ha, si otú ahụ mee ka ha na-adị n’udo ma dịrịkwa n’otu.