“MGBE AHỤ” Ọgwụgwụ

10. N’ihi gịnị ka anyị ga-eji rịba okwu Grik bụ́ toʹte ama, gịnịkwa ka ọ na-egosi?

¹⁰ N’akụkụ ụfọdụ, Jisọs kọrọ ihe ndị ga-eme dị ka ha na-eme n’usoro. Ọ sịrị: “A ga⁠-ekwusakwa ozi ọma nke a nke alaeze eluigwe . . . , mgbe ahụ ka ọgwụgwụ ihe nile ga-erukwa.” Bible ndị dị n’asụsụ Bekee na-ejikarị “mgbe ahụ” eme ihe inye nghọta dị mfe nke “ya mere” ma ọ bụ “ma.” (Mak 4:15, 17; 13:23) Otú ọ dị, na Matiu 24:14, “mgbe ahụ” dabeere ná nkọwa ngwaa Grik bụ́ toʹte.c Ndị ọkachamara n’asụsụ Grik na-akọwa na toʹte bụ “nkọwa ngwaa na-ekwu oge” e ji “ekwu ihe na-esote n’oge” ma ọ bụ “ekwu ihe ọzọ ga-eme.” Otú a, Jisọs buru amụma na a ga-enwe nkwusa nke Alaeze ahụ, mgbe ahụ kwa (‘nke ahụ gasịa’ ma ọ bụ ‘e mesịa’) “ọgwụgwụ” ahụ ga-abịa. Kedụ ọgwụgwụ a na-ekwu?