-
Legara Jehova Anya Maka Nkasi obiỤlọ Nche—1996 | Nọvemba 1
-
-
14. (a) Nkwa dị aṅaa ka Jisọs kwere n’abalị tupu ọnwụ ya? (b) Gịnị dị mkpa ma ọ bụrụ na anyị ga-erite uru zuru ezu site ná nkasi obi nke mmụọ nsọ Chineke?
14 N’abalị ahụ tupu ọnwụ ya, Jisọs mere ka o doo ndị ozi ya na-ekwesị ntụkwasị obi anya na ya ga-ahapụ ha n’oge na-adịghị anya wee lakwuru Nna ya. Nke a nyere ha nsogbu n’obi ma mee ka ha ruo újú. (Jọn 13:33, 36; 14:27-31) N’ịghọta mkpa ha nwere maka ịnọgide na-enwe nkasi obi, Jisọs kwere nkwa, sị: “Mụ onwe m ga-ekpekwara Nna m, Ọ ga-enyekwa unu Onye nkasi obi ọzọ, ka Ọ nọnyere unu ruo mgbe ebighị ebi.” (Jọn 14:16) N’ebe a Jisọs zoro aka na mmụọ nsọ Chineke, bụ́ nke a wụkwasịrị ndị na-eso ụzọ ya ụbọchị 50 mgbe mbilite n’ọnwụ ya gasịrị.a Tinyere ihe ndị ọzọ, mmụọ Chineke kasiri ha obi n’oge ule ha ma wusie ha ike ịga n’ihu na-eme uche Chineke. (Ọrụ 4:31) Otú ọ dị, e kwesịghị iwere ụdị enyemaka ahụ dị ka nke na-abịa n’onwe ya. Iji rite uru na ya n’ụzọ zuru ezu, onye Kraịst ọ bụla aghaghị ịnọgide na-ekpe ekpere maka enyemaka nkasi obi nke Chineke na-enye site na mmụọ nsọ ya.—Luk 11:13.
-
-
Legara Jehova Anya Maka Nkasi obiỤlọ Nche—1996 | Nọvemba 1
-
-
a Otu n’ime ọrụ gbara ọkpụrụkpụ nke mmụọ Chineke n’ahụ ndị Kraịst narị afọ mbụ bụ ite ha mmanụ dị ka ụmụ ime mmụọ e kuchiri ekuchi nke Chineke na ụmụnne Jisọs. (2 Ndị Kọrint 1:21, 22) Ọ bụ nanị 144,000 na-eso ụzọ Kraịst ka nke a dịịrị. (Mkpughe 14:1, 3) Taa e jiwo obiọma nye ihe ka n’ọtụtụ ndị Kraịst olileanya nke ndụ ebighị ebi na paradaịs elu ala. Ọ bụ ezie na e teghị ha mmanụ, ha na-anatakwa enyemaka na nkasi obi nke mmụọ nsọ Chineke.
-