-
“Ọ Dịtụbeghị Onye Ọzọ Si Otú A Kwuo Okwu”‘Bịa Bụrụ Onye Na-eso Ụzọ M’
-
-
5. Nye ihe atụ ndị na-egosi okwu Jizọs kwuru ndị dị mfe nghọta ma baa uru nke ukwuu.
5 Okwu Jizọs kwuru mgbe ọ na-ezi ihe na-adịkarị mfe nghọta, dịkwa mkpirikpi. Ma, ihe ọ na-ekwu bara uru nke ukwuu. N’oge dị anya nke ukwuu tupu a malite ibipụta akwụkwọ, o si otú ahụ kụnye ozi ya n’uche ndị na-ege okwu ya nakwa n’obi ha, nke na ha apụghị ichefu ya. Tụlee ihe atụ ụfọdụ: “Kwụsịnụ ikpe ikpe, ka a ghara ikpe unu ikpe.” “Mkpa ọgwọ ọrịa adịghị ndị ahụ́ dị mma, kama mkpa ya dị ndị ahụ́ na-enye nsogbu.” “Mmụọ dị njikere, ma anụ ahụ́ adịghị ike.” “Kwụọnụ Siza ihe Siza, ma kwụọnụ Chineke ihe Chineke.” “A na-enweta obi ụtọ ka ukwuu n’inye ihe karịa ka a na-enweta n’ịnara ihe.”b (Matiu 7:1; 9:12; 26:41; Mak 12:17; Ọrụ 20:35) Ugbu a ọ fọrọ ntakịrị ka o ruo puku afọ abụọ kemgbe e kwuru okwu ndị a, a ka na-echeta ha nke ọma.
-
-
“Ọ Dịtụbeghị Onye Ọzọ Si Otú A Kwuo Okwu”‘Bịa Bụrụ Onye Na-eso Ụzọ M’
-
-
b Nke ikpeazụ a dị n’Ọrụ 20:35. Ọ bụ naanị Pọl onyeozi kwuru ihe a Jizọs kwuru. Ọ pụrụ ịbụ na ọ nụrụ ya n’okwu ọnụ (ma ọ́ bụghị n’ọnụ onye nụrụ mgbe Jizọs kwuru ya, ya abụrụ n’ọnụ Jizọs mgbe o bilitesịrị n’ọnwụ) ma ọ bụkwanụ, ya abụrụ na ọ bụ Chineke kpugheere ya okwu ahụ.
-