• Mụta Ihe n’Aka Nwanne Jizọs
    Ụlọ Nche (Nke A Na-amụ Amụ)—2022 | Jenụwarị

    • DỊRỊ UMEALA N’OBI KA JEMS

      Ebe Jems na-arụ ọrụ ịkwa nkà mgbe ya na Jizọs na-ekwu okwu mgbe a kpọlitere Jizọs n’ọnwụ.

      Jems weturu onwe ya ala mgbe Jizọs pụtara n’ihu ya. Malite mgbe ahụ, ọ ghọrọ onye na-eso ụzọ Jizọs (A ga-akọwa ya na paragraf nke 5 ruo na nke 7)

      5. Mgbe Jizọs pụtara n’ihu Jems n’oge a kpọlitechara ya n’ọnwụ, gịnị ka Jems mere?

      5 Olee mgbe Jems ghọrọ onye na-eso ụzọ Jizọs? Mgbe a kpọlitechara Jizọs n’ọnwụ, ọ pụtara “n’ihu Jems, mechaakwa, pụta n’ihu ndịozi niile.” (1 Kọr. 15:7) Mgbe Jems na Jizọs hụchara, Jems ghọrọ onye na-eso ụzọ ya. Ọ nọkwa ya mgbe ndịozi Jizọs nọ n’ụlọ dị n’elu na Jeruselem na-eche mmụọ nsọ ahụ e kwere ná nkwa. (Ọrụ 1:​13, 14) Mgbe e mechara, Jems sokwa n’òtù na-achị isi n’oge ndịozi. (Ọrụ 15:​6, 13-22; Gal. 2:9) Tupu afọ 62, mmụọ nsọ mekwara ka o deere Ndị Kraịst e tere mmanụ akwụkwọ ozi. Akwụkwọ ozi ahụ na-abakwara anyị uru taa, ma ànyị nwere olileanya ibi n’eluigwe ma ọ bụ n’ụwa. (Jems 1:1) E nwere otu nwoke aha ya bụ Josifọs kọrọ ihe ndị mere n’oge ndịozi Jizọs. O kwuru na ọ bụ nnukwu onye nchụàjà aha ya bụ Ananayas nwa Anas nyere iwu ka e gbuo Jems. Jems nọgidekwara na-efe Jehova ruo mgbe ọ nwụrụ.