Olee ihe ndị bụ́ atụmatụ Setan? Pọl kọwara ha n’akwụkwọ ozi o degaara ndị Efesọs dị ka “nzupụta ọjọọ dị iche iche,” ma ọ bụ nzupụta aghụghọ dị iche iche.a (Ndị Efesọs 6:11) Setan na-edebe ihe aghụghọ dị iche iche n’ụzọ anyị iji mebie iguzosi ike n’ezi ihe anyị. Anyị nwere ekele na anyị pụrụ ịmata nzupụta aghụghọ ndị a, ebe ọ bụ na e dekọworo anyị ụzọ Ekwensu si eme ihe n’Okwu Chineke. Mgbalị ndị Setan mere iji mebie iguzosi ike n’ezi ihe Jizọs na Job na-egosi ụfọdụ n’ime ụzọ ndị ọ na-achọ isi mebie iguzosi ike n’ezi ihe anyị dị ka Ndị Kraịst.