• Chesie Echiche Ike Banyere Onye Ahụ nke Tachiri Obi
    ‘Bịa Bụrụ Onye Na-eso Ụzọ M’

    • “Sochie Nzọụkwụ Ya Anya”

      20, 21. N’ihe banyere ntachi obi, gịnị ka Jehova na-atụ anya ka anyị mee, gịnịkwa ka anyị kwesịrị ikpebisi ike ime?

      20 Jizọs maara na ịbụ onye na-eso ụzọ ya ga-abụ ihe ịma aka, ihe chọrọ ntachi obi. (Jọn 15:20) O jikeere ibute ụzọ, ebe ọ maara na ihe nlereanya ya ga-eme ka ndị ọzọ nwee obi ike. (Jọn 16:33) N’ezie, Jizọs setịpụrụ ihe nlereanya zuru okè n’ịtachi obi, ma anyị ezughị okè ma ọlị. Gịnị ka Jehova na-atụ anya ka anyị mee? Pita kọwara ya, sị: “Kraịst tara ahụhụ n’ihi unu, wee hapụrụ unu ihe nlereanya ka unu wee sochie nzọụkwụ ya anya.” (1 Pita 2:21) N’otú Jizọs si die ọnwụnwa, ọ hapụụrụ anyị “ihe nlereanya,” ya bụ, ụkpụrụ anyị ga-eṅomi.a A pụrụ iji ihe nlereanya o setịpụrụ n’ịtachi obi tụnyere “nzọụkwụ.” Anyị apụghị iso nzọụkwụ ndị ahụ n’ụzọ zuru okè, ma anyị pụrụ ‘isochi ha anya.’

  • Chesie Echiche Ike Banyere Onye Ahụ nke Tachiri Obi
    ‘Bịa Bụrụ Onye Na-eso Ụzọ M’

    • a Otú e si dee okwu Grik ahụ a sụgharịrị ịbụ “ihe nlereanya” bụ “ihe e dere n’okpuru.” N’ime ndị so dee Akwụkwọ Nsọ Grik nke Ndị Kraịst, ọ bụ naanị Pita onyeozi dere okwu a n’akwụkwọ o dere. A sịrị na okwu a pụtara “‘ihe nwatakịrị na-elere anya’ nke dị n’akwụkwọ o ji ede ihe, ihe nlereanya e dere ede nke zuru okè, nke nwatakịrị ga-eṅomi kpọmkwem ruo otú ike ya hà.”