Jehova Hụrụ Ndị Na-adị Ọcha n’Anya

“Kwọọ aka gị. Na-edebe ọnụ ụlọ gị ọcha. Na-aza ụlọ gị. Na-ekpofu unyi.” Ọtụtụ ndị nne na nna na-akụziri ụmụ ha ka ha na-eme ọcha. Ma, ọ bụ Jehova na-akụziri mmadụ niile ịdị ọcha. (Ọpụ. 30:18-20; Diut. 23:14; 2 Kọr. 7:1) Ọ bụrụ na anyị edebe ahụ́ anyị na ihe ndị anyị nwere ọcha, anyị na-asọpụrụ Jehova. (1 Pita 1:14-16) Oleekwanụ maka ụlọ anyị na gburugburu ya? Ndị mmadụ na-atụsasị ihe aghara aghara, ma n’okporo ụzọ ma n’ebe ndị ọzọ. Ma Ndị Kraịst na-eme ike ha niile iji debe ụwa a ọcha. (Ọma 115:16; Mkpu. 11:18) Ụmụ obere ihe ndị anyị na-eme, dị ka, ịtụfu akwụkwọ swiit, chịngọm, ma ọ bụ kom kom, nwere ike igosi otú anyị si ele ịdị ọcha anya. N’ihe ọ bụla anyị na-eme, ka anyị gbalịa “na-eme ka a mata anyị dị ka ndị ozi Chineke.”—2 Kọr. 6:3, 4.

LEENỤ VIDIO BỤ́ CHINEKE HỤRỤ NDỊ NA-ADỊ ỌCHA N’ANYA, ZAAKWANỤ AJỤJỤ NDỊ NA-ESONỤ:

• Olee ihe ụfọdụ ndị nwere ike ikwu mere na ha anaghị edebe ihe ndị ha nwere ọcha?

• Olee otú Iwu Mozis si gosi otú Jehova si ele ịdị ọcha anya?

• Olee otú anyị nwere ike isi mee ka e too Jehova n’ekwughị okwu ọ bụla?