Ihe A Na-aga Ịkọ ná Nkebi nke 8

Jehova nyere Solomọn amamihe dị egwu. O kwekwara ka ọ rụọrọ ya ụlọ nsọ. Ma, Solomọn ji nwayọọ nwayọọ kwụsị ife Chineke. Ọ bụrụ na ị bụ nne ma ọ bụ nna, kọwaara nwa gị otú ndị na-efe arụsị si mee ka Solomọn kwụsị ife Chineke. E mechara kewaa alaeze Izrel ụzọ abụọ. Ndị eze ọjọọ ndị chịrị ndị Izrel mere ka ha kwụsị ife Chineke fewezie arụsị. N’oge ahụ, e mesiri ọtụtụ ndị amụma ji obi ha niile na-efe Jehova ike, gbuokwa ha. Jezibel, nwunye eze Izrel, mere ka ọtụtụ ndị nọ n’alaeze dị n’ebe ugwu kwụsị ife Jehova ma fewe arụsị. E nwere nnukwu nsogbu n’Izrel n’oge ahụ. Ma, a ka nwere ọtụtụ ndị na-efe Jehova n’Izrel n’oge ahụ. Mmadụ abụọ n’ime ha bụ Eze Jehoshafat na Ịlaịja onye amụma.