IGBE 18A
Jehova Na-adọ Ndị Mmadụ Aka Ná Ntị Maka Ọgụ Dị Egwu A ga-alụ
E nwere ọtụtụ amụma e buru na Baịbụl gbasara ọgụ ikpeazụ a ga-alụ, nke Jehova ga-eji kpochapụ ndị na-emegide ya na ndị ya. E dere ụfọdụ amụma ndị ahụ n’ebe a. Chọpụta otú aka ná ntị ndị ahụ si yie ibe ha. Ị ga-ahụkwa na Jehova mere ka onye ọ bụla nwee ike ịnụ ozi ọma na ịgbanwe.
N’IZREL OGE OCHIE
EZIKIEL: “Ọkaakaa Onyenwe anyị Jehova kwuru, sị, ‘M ga-eme ka e jiri mma agha mee Gọg ihe n’ugwu m niile.’”—Ezik. 38:18-23.
JEREMAYA: “[Jehova] ga-eji aka ya kpee mmadụ niile ikpe. Ọ ga-emekwa ka e jiri mma agha gbuo ndị ajọ omume.”—Jere. 25:31-33.
DANIEL: “Chineke nke eluigwe ga-eme ka otu alaeze . . . malite ịchị. . . . Alaeze ahụ ga-egwepịa alaeze ndị a niile, mee ka ha ghara ịdịkwa.”—Dan. 2:44.
N’OGE NDỊOZI JIZỌS
JIZỌS: “A ga-enwe oké mkpagbu nke a na-enwetụbeghị ụdị ya kemgbe ụwa malitere.”—Mat. 24:21, 22.
PỌL: “Jizọs . . . na ndị mmụọ ozi ya dị ike . . . ga-abọ ọbọ n’isi ndị na-amaghị Chineke.”—2 Tesa. 1:6-9.
PITA: “Ụbọchị Jehova ga-abịa otú onye ohi si abịa. . . . A ga-agbakwa ụwa na ọrụ ndị a rụrụ n’ime ya ọkụ.”—2 Pita 3:10.
JỌN: “Ogologo mma agha dị nkọ si n’ọnụ [Jizọs] pụta. Ọ ga-eji ya gbuo mba niile.”—Mkpu. 19:11-18.
N’OGE ANYỊ A
Baịbụl bụ akwụkwọ a kacha asụgharị ma na-ekesa ebe niile
NDỊ NA-EFE JEHOVA TAA . . .
Na-enye ndị mmadụ ọtụtụ nde akwụkwọ ndị e ji amụ Baịbụl n’ọtụtụ narị asụsụ
Na-eji ọtụtụ nde awa ekwusa ozi ọma kwa afọ