IGBE 21A

“Ala Unu Ga-ewepụta Iche”

Ka anyị soro Ezikiel ka ọ na-elerukwu ala Jehova wepụtara iche anya. Ala a nwere mpaghara ise. Gịnị bụ aha ha? Gịnịkwa ka a na-eme na ha?

Map ala Jehova wepụtara iche nke a kpọrọ ‘ala a ga-ewepụta iche.’ Map nke dị n’ime ya na-egosi ala akụkụ ya anọ há nhata nke dị kụbit 25,000 (kilomita 13) malite n’ebe ugwu ruo n’ebe ndịda, dịrịkwa kubit 25,000 malite n’ebe ọwụwa anyanwụ ruo n’ebe ọdịda anyanwụ. A kpọrọ ala ahụ akụkụ anọ ya há nhata ‘ala niile e nyere Chineke.’ E kere ya ụzọ atọ, otu n’elu, otu n’etiti. Ụlọ nsọ dị na nke etiti ya. Na nke ala ya, e nwere obodo aha ya bụ ‘Jehova Nọ Ebe Ahụ.’

A. “Ala Unu Ga-ewepụta Iche”

Ọ bụ maka ndị ọchichị. A kpọkwara ya “ala ebe ndị nlekọta na-anọ ahazi ihe.”

EZIK. 48:8

B. “Ala Niile E Nyere Chineke”

E wepụtara ya iche maka ndị nchụàjà, ndị Livaị, nakwa maka obodo. Ihe ọzọ bụ na ndị niile si n’ebo iri na abụọ na-abanye n’ala a iji fee Jehova nakwa iji na-akwado ọchịchị obodo ahụ.

EZIK. 48:20

CH. “Ala Onyeisi”

“Ala ahụ ga-abụ nke ya n’Izrel.” “Ọ ga-abụkwa nke onyeisi.”

EZIK. 45:7, 8; 48:21, 22

D. “Ala Dị Nsọ”

A kpọrọ ebe a “ala dị nsọ.” Ebe elu ya bụ “nke ndị Livaị.” “Ọ dị nsọ.” E kwuru gbasara ebe etiti ya na “ọ bụ ndị nchụàjà ka a ga-enye ala a dị nsọ.” “Ọ ga-abụ ebe ha ga-arụ ụlọ, bụrụkwa ebe dị nsọ a ga-arụ ụlọ nsọ.”

EZIK. 45:1-5; 48:9-14, 20

E. “Ala nke Fọrọnụ”

“Ọ ga-abụ nke ndị Izrel niile” na “nke ndị obodo. Ha ga-ebi na ya, nweekwa ebe anụmanụ ga na-ata ahịhịa.”

EZIK. 45:6; 48:15-19

Gaghachi n’isi nke 21, paragraf nke 3

[Foto dị na peeji nke 220]