Jọjia

JIZỌS mere ihe atụ banyere otú ihe iko achịcha e tinyere na ntụ ọka si gbasaa ma mee ka ntụ ọka ahụ dum koo. E nwere ike iji otú ozi ọma Alaeze Chineke si gbasaa na Jọjia tụnyere ihe atụ a Jizọs mere. (Mat. 13:33) Ozi ọma Alaeze Chineke ji nwayọọ nwayọọ gbasaa ebe niile na Jọjia otú ahụ ihe iko achịcha ahụ si gbasaa ma mee ka ntụ ọka ahụ dum koo. Ná mmalite, a hụchaghị otú o si na-agbasa, ma o ji nwayọọ nwayọọ gbasaa ebe niile, meekwa ka ọtụtụ ndị gbanwee otú ha si ebi ndụ.

Gụọ akụkọ a ka i hụ otú ndị Chineke nọ na Jọjia si gosi ma ‘n’oge dị mma ma n’oge nsogbu’ na ha hụrụ Chineke n’anya, nwee okwukwe, obi ike ma kwesịkwa ntụkwasị obi. Akụkọ a ga-atọ gị ezigbo ụtọ.—2 Tim. 4:2.