Ang Oriri ọ-Ya Ha Iru nya Angịnyị Ri Bwula Ụbwọ nya Angị Ịmanyị-Ịmanyị

Ene nya ụka nya Ang Oriri Ọchịpwụrụ ọla ẹka 32 lụka nya oyi nya ịKịrayịsị, iJisọsi họ ụkụrwọ ẹbyẹbyị ọhẹ, ọlẹ kẹnẹ-kẹne ká angị da ụpwụ ịgọgọ inine da ju ẹ-ẹpwụ nya ịBayịbụụ.

Bwula ụkụrwọ ẹbyẹbyị ọwẹ, iJisọsị ya ọgụ-ẹpẹtẹ ọhẹ deeji ọlẹ kọ juwa ba jẹ gbee pwụ ụka nyahị ọlẹ.

14:16-21

• IJisọsị byị angịjụgbẹyị nyamwụ nyị ya ang oriri ha iru nya angịnyị ri la abẹ nya ịkaa ịrụ bala iyenyi imiiye kẹnẹ-kẹnẹ

• Ụka ká iJisọsị hu abẹ nya ikaa bala iyenyi ịwẹ, ọ raabwọ, lẹ̀ ọ ya ha angịjụgbẹyị nyamwụ ẹẹ, ọọwa lẹ, angịjụgbẹyị nyamwụ à gaa ha iru nya angịnyị ịịwa wuu lẹlẹ

• Bwula ụkụrwọ ẹbyẹbyị ọwẹ, iru nya angịịwa ri ang oriri ọọwa wu ẹpwụ kpụ̀ ihi myịmyị. iJisọsị ya ang oriri ha ụnụnụụnọ nya angịnyị ri bwula ụbwọ nya angị ịmanyị-ịmanyị​—angịjụgbẹyị nyamwụ

  

• IJisọsị ya nọ eji ene-ene nyori lụka ohyẹẹkpẹ nya odehe ọlẹ, ọwa nyị ka chụ ogu ọlẹ ọ ka ya ang oriri nya olegu ha angịkịla “ri lụka ọchịla-chịla”​—Mat 24:45

• Ẹ-ẹpwụ nya ẹka nya 1919, iJisọsị chụ “ọnchẹ ọ-chịla ọ-hụ ọkịlẹtụ ha bala ọngọ jẹ́ ẹla,” ebwo ochiche nya angịlẹ ká olegu ịgọgọ chụ nyọka kpẹhị rịrị “anchẹ ịkịla,” ịlẹ kị ri angịlẹ kị́ wẹẹ ya ang oriri nya olegu ọọwa ha ri

• Bwula ebwo ochiche nya angịlẹ ká olegu ịgọgọ chụ, iJisọsị wẹẹ ba ọgụ-ẹpẹtẹ ọlẹ kọ ya deeji ene-ene bwu oyi nya ọgbanyẹ jẹ

Ányị m̀ tị́ ka mẹjẹ nyori m myị ọnụ ju ogu ọlẹ ká iJisọsị wẹẹ kpa ya ang oriri nya olegu ha angịnyị ri alẹ, bala ọ-jwaa ihi?