Nanana nyori Ang Oriri Ọchịpwụrụ á ri ụrụrrụ lee ang o-ku ọmwakpa nya ọ-Họ Kpa Kpịtịya nya Igu nya ỊKịrayịsị ka, ang lụmẹ-lụmẹ juwa áhị ka jẹ́ bwu ọhọhọ ọwẹ ịnyịnyị. Lala ọ-chụ pwokwịta, ịPọlụ ọngọjụgbẹyị nya ịKịrayịsị wụrụ iJisọsị nya “Ọnyị ọkpịlọ nya Ang Oriri Ọchịpwụrụ nyahị.” (1Kor 5:7) Jaabwọ ká ịwọ nya ọnyị ọkpịlọ ọlẹ kị́ ya chị ekeji nya ekpileku chị ọhịhị da, ịnyịnyị ịwọ nya iJisọsị a chị ọhịhị nya angịnyị da lẹ. (Ehe 12:12, 13) Myịmyị, ị́ be ukpunogu nya ọnyị ọkpịlọ ọlẹ kị́ kpa họ Ang Oriri Ọchịpwụrụ ọhẹ-lọhẹ ene ka. Ẹ-ẹga nya iJisọsị ịnyịnyị, ị́ be ukpunogu nyamwụ ọhẹ-lọhẹ ene kwẹnggẹ ka, nanana nyori ị kaa họ ịnyị ẹ-ẹga nya angịkịla ụka kị́ gwaa iloo ba okoji.—Eh 12:46; Jọn 19:31-33, 36.