HỊHỊ LALA ANGỊNYỊ NYA ỊKỊRAYỊSỊ
Kpa Apwụ Ịlẹ Áhị kaa Kpa Mẹ Ang Jẹ Họ Ụkụrwọ Yẹẹyẹẹ
Ọ-họ ká ọngịnyị ka ri ọngọjụgbẹyị lala ẹpwa ọnwụ-nwụ. Ọ-ka họ ká ẹpwa ọọwa ka há, ahị ka kpa ang-abwọ nyahị họ ụkụrwọ yẹẹyẹẹ. Lẹ, ọbaba káhị ka jẹ́-ẹ kpa Omyi ẹla nya Ohe Oluhye ọlẹ kọ́ gụ ang-abwọ ịkịla wuu họ ụkụrwọ yẹẹyẹẹ. (2Ti 2:15) Ọbaba lụmẹ nyọka kpa apwụ ịkịla bala iFim mẹ ang jẹ yẹẹyẹẹ ịnyịnyị—chajị nyọka họ ká angịkịla ka ri angịjụgbẹyị.a
Ányị a tị́ ka bwu kpa Apwụ Ịlẹ Áhị kaa Kpa Mẹ Ang Jẹ họ ụkụrwọ yẹẹyẹẹ? (1) Bịlẹ ụbwọ ọdada bwu ẹga nya ọngọ kaa kpịlahị ẹ-ẹga nya ẹrụ ọnyịịla ọ-kpa pyẹ ọọjịra-jịra nyang, (2) Họ ụkụrwọ bala ọngọlẹ kọ la ẹla ọjẹ́jẹ ẹ-ẹga nya ẹla nya Ohe ọ-kpa pyẹ lee ọngọ ye ịlahị nya ụgbẹyị, bala (3) kịnyaa la ọ-mahọ ọgwọgwụ. Jaabwọ ká wẹ nwa kịlahị-ịlahị ẹ-ẹga nya ọ-kpa apwụ ileji ịlẹ bala iFim họ ụkụrwọ, à ka ye ọkẹkẹnị mwụba-mwụba ẹ-ẹpwụ nya ụkụrwọ nya ang ọnwụ-nwụ nya olegu.
ỊMAGAJINI
APWỤ ICHICHE
APWỤ ỊTỤKA
ỊTRAKỊ
IFIM
APWỤ Ị-KPA WỤRỤ ANGỊNYỊ
CONTACT CARDS
a Ị họ apwụ ịkịla ịhyẹ ịlẹ kị́ tị́ juwa ẹ-ẹpwụ nya Apwụ Ịle Áhị kaa Kpa Mẹ Ang Jẹ ka, chajị nya ebwo nya angịnyị ịhyẹ kpangga. Ahị ka jẹ́-ẹ kpa họ ụkụrwọ ụka ọlẹ kọ pwokwu myị́.