Nwa Kịlahị-Ịlahị ẹ-Ẹpwụ nya Ẹrụ Ọnyịịla ọ-Kpa Pyẹ—Jẹ́ Ẹla Ọla JW.ORG Weji-weji

ANG ODUDU ỌLẸ KỌ́ BABA: Apwụ Ịlẹ Áhị Kaa Kpa Mẹ Ang Jẹ wuu kaa da ụbwọ ka jw.org. Ang ọkpọngchị ọlẹ kọ́ dudu kị́ họ contact card bala ịTrakị nyahị ọlẹ kọ ri, Where Can We Find Answers to Life’s Big Questions? ri ọ-ka da angịnyị ụbwọ ka ịwẹbsayịtị nyahị. À ka jẹ́-ẹ ya Apwụ Ịlẹ Áhị Kaa Kpa Mẹ Ang Jẹ ịhyẹ ha angịnyị bwula ọ-ya du ẹrụ taa bwu jw.org lee ọ ma ịwẹbsayịtị ọọwa jaa myị́. Ọọwa ka jẹ́-ẹ dahị ụbwọ, ọgụgụgụ ụka káhị juwa ya ẹla nya Ohe ju ọngịnyị ọlẹ kọọ ya oja okila. Ọhẹka ịnyịnyị, angịnyị ka tọ ịtọ ẹla ịlẹ ká ọwẹwẹ nyaa-á juwa ẹ-ẹpwụ nya Apwụ Ịlẹ Áhị Kaa Kpa Mẹ Ang Jẹ ka. Kori káhị jẹ́ ẹla ọla jw.org weji-weji, ahị ka jẹ́-ẹ kpa ẹrụ ọnyịịla pyẹ yẹẹyẹẹ gụ ọọwa.

JAABWỌ ÁHỊ KA BWU HỌ ỊNYỊ:

• 

  Kpa ẹga ọlẹ kị wụrụ nya “ẸLA ỌMẸJẸ ỊLA ỊBAYỊBỤỤ” mẹ ang jẹ. Kori ka juwa ya ẹla nya Ohe ju Adịda bala ịnịna Ịlẹ kị tịtọ nyọka jẹ́ ang gu ọọwa u-uhye nya abwọlẹ-ẹ́ ka bwu kpẹhị rịrị anyị nyaa. Ka ẹga ọlẹ kọ ri, ẸLA ỌMẸJẸ ỊLA ỊBAYỊBỤỤ> MARRIAGE & FAMILY.

• Kpa ẹga ọlẹ kị wụrụ nya “APWỤ Ị DA KPEHE” mẹ ang jẹ. Kori ka juwa ya ẹla nya Ohe u-ube-ụpwụ, ká tị tịtọ à ka ya ụpwụ ọlẹ kị wụrụ, Answers to 10 Questions Young People Ask ha ọnyị ọla ube-ụpwụ nyang. Ka ẹga ọlẹ kọ ri, APWỤ Ị DA KPEHE > APWỤ bala APWỤ ICHICHE.

• Kpa ẹga ọlẹ kị wụrụ nya “U-UHYE NYAHỊ” mẹ ang jẹ. Kori ka juwa ya ẹla nya Ohe ju alụkụrwọ nyang ọhẹ ọlẹ kọ tịtọ nyọka wa ẹla ọhẹ pinyeng u-uhye nya ọmyịmyị nyahị. Ka ẹga ọlẹ kọ ri, U-UHYE NYAHỊ > FREQUENTLY ASKED QUESTIONS.

YẸ IFIM ỌLẸ KỌ RI, JẸ́ ẸLA ỌLA JW.ORG WEJI-WEJI, KÁ KỤ ẸHỊ YẸ ẸGA ỌLẸ Á KA KÁ Ị-ỊWEBSAYỊTỊ NYỌKA DA ANGỊNYỊ ỤBWỌ, LALA:

• ọngịnyị ọlẹ kọ myị nyori Ohe nyị́ ji ka

• ọngịnyị ọlẹ ka ẹla ọ-bwu agaga họ tọọ kpangjẹ

• ọọnahị ọnyang lee ọlẹng ọlẹ kọ juwa chị doodoo

• ọngịnyị ọlẹ káhị mwẹẹkpẹ ka ẹga nyamwụ kọ tịtọ nyọka jẹ́ jaabwọ ahị kaa bwu ye okpoko kpa họ ụkụrwọ nyahị

• ọngịnyị ọlẹ kọ bwu ẹpwụma ọkịla kọ tịtọ nyọka ka ọjịra-jịra ọla epweji nyamwụ