IJisọsị Gbu Chajị nya Ọọnang Ịnyịnyị

IJisọsị ya ọhịhị nyamwụ kila iya wọnụ nya alọhọbịrị ju. (Ro 5:8) O-ri ịnyị ịlẹhị nyori, ọ myịhị lẹhị nyọlẹ ká iJisọsị mẹ ọháha jẹ ẹ-ẹga nyahị bwula ọ ya ọhịhị nyamwụ kila iya chajị nyahị. Ma, ụka ọhẹ, ọbaba káhị ka kpịtịya nyori iJisọsị gbu chajị nya aanahị ịnyịnyị. Ányị ahị tị́ ka mẹ ọháha ụma nya ịKịrayịsị je ẹ-ẹga nya aanahị ịlẹ kị la kpẹẹkpẹẹ-ka lala ahị? Ahị kụ ẹhị ya agbẹyị ịta wẹẹ. Ọhọhẹ-họhẹ ri, ahị ka ri aligu bala aanahị ịlẹ kị́ bwu ẹga ịdatị-dati, ahi ká họ jaabwọ ká okirihye kaa wu ụjẹ meme la ịlọmwụ ka. (Ro 15:7; 2Ko 6:​12, 13) Oheeye ri, ahị ka dụmwọ-dụmwọ chajị káhị ka ya ẹla lee ọ-họ ẹla ọlẹ kọ́ ka wụ angịkịla ẹjẹ ka. (Ro 14:​13-15) Ohyẹẹkpẹ-ẹkpẹ ri, kori ká ọngịnyị-ị́ họ ẹla wụhị ẹjẹ, ahị ka hịnyọhi ha ọngọọwa ahyaahị. (Lu 17:​3, 4; 23:34) Kori káhị maga nya ịlẹhị-ịlẹhị nyọka ba ọgụ-ẹpẹtẹ nya iJisọsị jẹ a-agbẹyị ịwẹ, iJihova ka kịnyaa juwa wahị kụrụ ọjịra-jịra la okpunyi bala o-wo lawụlẹ.

YE IFIM ỌLẸ KỌ RI, RI ỌLỤHỊ NYA ỊLẸHỊ! KÁ WẸ ỊTỌ ẸLA ILEKPELEJI ỊLẸ:

• 

  Ányị iMeri à tị́ kaa yẹ ala ọjịra-jịra nyamwụ ụka nya ọgbanyẹ-ọgbanyẹ?

• 

  Ịyẹ tị du kọ́ dọmwụ nyọka kpẹhị ọnyịịla yẹ angịkịla?

• 

  Ányị ọgụ-ẹpẹtẹ nya iJisọsị à tị́ da iMeri ụbwọ nwụ irya nyamwụ rịrị? (Mak 14:38)

• 

  Ányị ụpwụ nya Etu 19:11 à tị́ ka dahị ụbwọ nyọka la irya ọnyịịla ẹ-ẹga nya Aanahị ịkịla?