HỊHỊ LALA ANGỊNYỊ NYA ỊKỊRAYỊSỊ
Ị́ Tụụbwọ Hi Ịngịngịhyẹ Bịrị Ka
Nyọlẹ ká iJisọsị ya ang oriri ha alẹng ụnọ ịrụ (5,000) tụ anyang bala anjwo ichiche ri kpá, ọ byi angịjụgbẹyị nyamwụ yẹkẹẹ, “Anụ kele kaka go apwụ nya ịkaa bala iyenyi ihihi wuu ju ang mẹ. chajị, ọ́ chịla káhị ka tụụbwọ hi ụpwụ nya ọhẹ-lọhẹ tayịreji ododu ka.” (ịJọn 6:12) IJịsọsị mẹjẹ nyori ang ịlẹ ká iJihova ya họọ myọọ lẹhị bwula ọ-tụụbwọ hyaa bịrị ododoodu ka.
La oyi nyahị ọlẹ, Governing Body kaa maga nya ịlẹhị-ịlẹhị nyọka ba ọgụ-ẹpẹtẹ nya iJisọsị jẹ bwula ọ-kpa ang abwọ nya iJihova họ ụkurwọ ụ-ụgbẹyị ọlẹ kọ́ pwoku. Lala o-chu pwokwita, ụka ọlẹ kị lẹẹ ka nwu Egbeju ẹpwa nyahị odehe wuu ụ-ụwa ịị Warwick, New York, aanahị chụ ụma nya ube ọlẹ kị ka kpa ookpoko bịrị hụrụ ododoodu ka.
ÁNYỊ AHỊ TỊ́ KA CHEJI BA HI Ọ-KA TỤỤBWỌ HI ANG BIRI . . .
Ụka káhị juwa ọọjịra-jịra nya angịnyị nya ịKịrayịsị?
Ụka káhị ye apwụ nyịlọhị ịlẹ káhị ka kpa wa? (km 5/09 3 ¶4)
Ụka káhị go apwụ ịlẹ káhị ka kpa kpehe nya ẹla Ohe? (mwb17.02 4 ¶1)
Ụka káhị juwa kpa ẹla nya Ohe pyẹ? (mwb17.02 4 ¶2, bala akpa)