Ọháha à Kaa Mẹ Angịnyị nya ỊKịrayịsị Nyịlẹhị Jẹ Lẹ—Chewu Ke ọ-Yẹ Jula Awụlẹ la Okpunyi

ANG ODUDU ỌLẸ KỌ́ BABA: Lodu ọlẹ kọ́ chịpwụrụ ene ká iJisọsị gbu, ọ raabwọ bịlẹ ká angịjụgbẹyị nyamwụ wuu ka yẹjula awụlẹ, la “ookpokpo.” (Jọn 17:23.) Nyọka kịnyaa la ọ-yẹjula awụlẹ ịnyị, o ri opyii káhị ka mẹ ọháha jẹ ẹ-ẹga nya awụlẹ. Ụma nya ọháha ọlẹ kọ́ kaa “kpa ang onyobyi ọlẹ ká angịkịla họọ ẹ-ẹpwụ” ka.​—1Kọ 13:5.

JAABWỌ ÁHỊ KA BWU HỌ ỊNYỊ:

• Gbịla abwụma nya iJihova bwula ọ-yẹ ang ọnyịịla ẹ-ẹga nya angịkịla

• Hịnyọhi bwu ọkịlẹtụ

• Ẹla ọlẹ kánụ ya lawụlẹ kpá lẹ, a juwa kpa ma ri myịmyị kaka.​—Et 17:9

YẸ IFIM ỌLẸ KỌ RI, ANỤ “LA ỌHÁHA Ẹ-ẸGA NYA AWỤLẸ”​—A KPA ẸLA ỌLẸ KÁ ỌNGỊNYỊ HỌNG Ẹ-ẸPWỤ KA, KÁ WẸ ỊTỌ ẸLA ILEJI ỊLẸ:

• Ányị iHelin à tị́ mẹjẹ ụpa ọhọhẹ nya iFim ọwẹ nyori, ọ wẹẹ ‘kpa ẹla ọlẹ ká ọngịnyị họọ ẹ-ẹpwụ’?

• Ányị iHelin à tị́ bwu kụrụ irya ọtịpyọ nyamwụ bala ọ-dọmwụ nyọka kụ irya ọnyịịla ụpa oheeye nya iFim ọwẹ?

• Ányị iHelin à tị́ da ọjịra-jịra ụbwọ nyọka yejula awụlẹ gụ ọwọwa ụka ohyeekpe?