“O Hu Āhị Ha IJihova”

Ányị ahị tị́ ka bwu ‘hu āhị nyahị ha iJihova’ alẹ? (1Eg 29:​5, 9, 14) Agbẹyị ịdatị-datị ịlẹ káhị ka bwu hu ha bwu ọkịlẹtụ nyahị nyọka da ụkụrwọ nya iJihova ụbwọ ọọjịra-jịra nyahị lee odehe wuu lẹẹ ekpeleji.

O-HU HA BWU INTANẸTỊ LEE Ọ-YA JU AKPA NYA O-HU HA ỊLA ỌJỊRA-JỊRA:

• 

  ỤKỤRWỌ NYA OHE OLUHYE ODEHE WUU

  ọ-nwụ egbeju ẹpwa bala ẹga ị-ya oja da ịlẹ kị́ ji lụrụ bala ụkụrwọ ọlẹ kị́ kaa họ ụ-ụwa

  ebe-apwụ nya Alibeenu nya iJihova

  Angị kpa ọhịhị nyaa wuu họ ụkụrwọ nya Ohe Oluhye

  Ọ-da angịlẹ ká ẹla o-bwu agaga họ ta ụbwọ

  apwụ ịhọhọ, iFim ịhọhọ, bala ẹla nya intanẹtị

• 

  AKỤRWỌ ỊLẸ KỊ́ KAA KPA OKPOKO HỌ ỌỌJỊRA-JỊRA

  Akụrwọ ịlẹ kị́ kaa kpa okpoko họ ọọjịra-jịra lala ẹla nya ila lee enyi bala ẹhị ọ-kpa ju Ube nya Ịpyị-Adịrahụ

  okpoko ọlẹ ká ala ọjịra-jịra kaa myị ọnụ ju nyọka ya du ẹrụ ka egbeju ẹpwa chajị nyọka:

  • kpa nwụ Ube nya Ịpyị-Adịrahụ bala ẹga ọlẹ kị́ kaa họ ọjịra-jịra ọtụka

  • kpa da angịlẹ kị́ ji ẹpwụ nya ọbaba ụbwọ ụpa nya odehe wuu

  • akụrwọ ịkịla ẹ-ẹpwụ nya odehe wuu

ỌJỊRA-JỊRA NYA ISEKUT BALA ỌJỊRA-JỊRA ỌTỤKA

Ị kaa ya okpoko ọlẹ káhị hu ha chajị nya ọjịra-jịra ọtụka du ka ụpa ọlẹ kọ́ ri, ụkụrwọ nya Ohe Oluhye odehe wuu. Lẹ, ị kaa kpa okpoko ọọwa họ ụkụrwọ ụka nya ọjịra-jịra ọtụka ọlẹ kị́ kaa họ ebwo-ebwo, ọlẹ kị́ kaa họ ụka ookpokpo bala ẹga ookpokpo bala ọlẹ ká angịnyị kaa tụguru lawụlẹ bwu ụpa nya odehe wuu.

Okpoko ọlẹ káhị kaa hu ha ụka nya ọjịra-jịra nya iSekut ri ọlẹ kị́ kaa kpa nwụ uri nya ẹga, kpa họ ọjịra-jịra ọọwa bala ọ-kpa nwụla ẹga nọ. Ị kaa kpa họ ịbaba ịkịla nya iSekut ịnyịnyị. Ọchịkpẹ ká iSekut ka myị ọnụ nyọka ya okpoko ọhẹ du ẹrụ chajị nyọka kpa họ ụkụrwọ nya Alibeenu nya iJihova odehe wuu ịnyịnyị myị́.