Nwa Kịlahị-ịlahị Ẹ-ẹpwụ Nya Ẹrụ Onyịịla Ọ-kpa Pyẹ—Da ‘Angịlẹ Kị́ La Irya Ọnyịịla’ Ụbwọ Nyọka ri Angịjụgbẹyị

ANG ODUDU ỌLẸ KỌ́ BABA: IJihova à kaa họ ká ugbe nya ẹlịlẹhị kaa nwa ẹ-ẹpwụ nya ọkịlẹtụ nya ‘angịlẹ kọ́ nwụlanọ nyọka ya ọhịhị ọmyịmyị-ka nyamwụ ha lẹ.’ (Ụkụ 13:48; 1Kọ 3:7) Ahị ka họ ụkụrwọ balọọ ịnyịnyị bwula ọ-da angịlẹ kị́ ye ẹla nya Ohe myị ụbwọ gụgụụgụ. (1Kọ 9:26) Ọ chịla káhị ka mẹjaa nyori enyi Ohe ohuhu baba lụmẹ nya ọngịnyị ọ-ka ye ọchịda. (1Pit 3:21) Ahị ka myịmyị da angịlẹ káhị kaa mẹ ịBayịbụụ jẹ ụbwọ nyọka wẹ ka ri angịjụgbẹyị bwula ọ-mẹ jaa jaabwọ kị́ ka bwu nwụ abwẹla nyaa rịrị, kpa ẹrụ ọnyịịla pyẹ bala ọ-mẹ ang jẹ, bala ọ-ka hu ịlaa ju iJihova ụ-ụbwọ.—Mat 28:19, 20.

JAABWỌ ÁHỊ KA BWU HỌ ỊNYỊ:

• Kpụ angịlẹ á kaa mẹ ịBayịbụụ jẹ ịtịya nya ang odudu ọlẹ kị́ wẹẹ jẹ́ ịBayịbụụ, kọ ri “ọ-ka jẹ́” iJihova nyịlẹhị-ịlẹhị bala ọ-họ ẹla ọlẹ kọ́ ka kpọọ ịpyọ. —Jọn 17:3

• Daa ụbwọ nyọka nwa kịlahị-ịlahị ẹ-ẹpwụ nya ang nya olegu bwula ọ-ka kụrụ ịmayẹ lala abwẹla ịtịpyọ bala ogu ọtịpyọ ịnyịnyị

• Daa ụbwọ bala ọ-jwaa ọhụ ene nya enyi Ohe ohuhu bala ụka kị́ hu enyi Ohe kpá.—Ụkụ 14:22

YẸ IFIM ỌLẸ KỌ RI, IJIHOVA OHE OLUHYE KA DANG ỤBWỌ, KÁ WẸ ỊTỌ ẸLA ILEJI ỊLẸ:

• Ịyẹ à tị́ ka dudu ká ọngịnyị ka juhi nyọka hu ịlọmwụ ju iJihova ụ-ụbwọ bala o-hu enyi Ohe myị́?

• Ányị angịgbahị nya ọjịra-jịra à tị́ ka bwu da angịlẹ kị́ wẹẹ jẹ́ ịBayịbụụ ụbwọ nyọka nwa kịlahị-ịlahị ẹ-ẹga nya ang nya olegu?

• Ẹlịyẹ ụpwụ nya Ayịsaya 41:10 à tị́ mẹjẹẹhị u-uhye nya iJihova?

• Abwẹla iyina à tị́ ka dahị ụbwọ nyọka gbịgba ha iJihova ụ-ụgbẹyị ọlẹ kọ́ ka ye myị, nanana nyori áhị la kpẹẹkpẹẹ ka?