Jaabwọ Ahị ka Bwu Mẹ Ọháha nya Angịnyị nya ỊKịrayịsị Jẹ

12:10, 17-21

Ụka ká ọngịnyị á họ ẹla wụ́ụhị ẹjẹ, ahị ka mẹ ọháha nya Angịnyị nya ịKịrayịsị jẹ bwula ọ-ka họ ọngọọwa kwiwa ka, bala ọ-ka họ ang ọnyịịla ẹ-ẹga nyamwụ ịnyịnyị. “Ó ri ká imyi á juwa nwụ oluji nyanụ aalẹ, anụ́-ụ ya ang oriri họọ ri mẹ. Ọ́ tị ri imyi-enyi kọ juwa nwọọ lẹ, anụ́-ụ chị enyi ọnwanwa họọ ịnyịnyị mẹ. Chajị, ó ri kanụ juwa họ ịnyị lẹ aalẹ, ọọwa ri yẹkẹẹ, awụla nya ila a wẹ kanụ wẹẹ go kụrụ oluji nyanụ ọọwa e-egbeju lẹlẹ.” (Ro 12:20) Ang ọnyịịla ọlẹ káhị họ ẹ-ẹga nya ọngọlẹ kọ họhị ẹla ọtịpyọ ka du kọ ka dọmwụ chị ijẹma nya ang ọlẹ kọ họ.

Anyị ọ tị́ kaa lang ọ-ọkịlẹtụ, ụka ká ọngịnyị ọlẹ ká họ ẹla wụ́ ẹjẹ la ọjẹ́jẹ-ka, họ ang ọnyịịla ẹ-ẹga nyang?