ANG ỤDỤ BWU OMYI ẸLA NYA OHE OLUHYE | 2 ALA ỊKỌRỊNTỊ 1-3

IJihova—“Ohe Oluhye nya Ẹjẹ Ọkpụ́kpụ Wuu”

1:3, 4

Ọjịra-jịra nya angịnyị nya ịKịrayịsị ri ụgbẹyị ọhẹ ọlẹ ká iJihova kaa bwu kpụ́ụhị ẹjẹ. Ányị ahị tị́ ka bwu kpụ́ angịlẹ kị́ juwa bida ẹjẹ?

Ke ụrụ kpẹnẹẹ wo la ẹla nyaa, la ọ-chaa ẹla ju ka
“Jida ta angịlẹ ká ẹla nya ida ojeje họ ẹ-ẹga nyaa.”—Ro 12:15
Ya ụpwụ ọlẹ kọ́ ka kpaa ẹjẹ du kịlaa lee da ụpwụ du kịlaa bwu iFon nyọka kpaa ẹjẹ.—w17.07 15, akpa
Raabwọ balaa ụka ká juwa ẹ-ẹga nyaa bala ọ-raabwọ chajị nyaa ịnyịnyị

Ẹla ịlẹpwụ nya Ụpwụ Ịgọgọ ileji ịlẹ kaa kpụ́ angịnyị lụmẹ-lụmẹ ẹjẹ:

“[IJihova] ju angị la ọkịlẹtụ ọ-kpụ enyi chwẹẹ, ọọ chị angịlẹ ká ahị ọdahile gwaa myị da.”—Eje 34:18, 19
“Ụka ká imahị myị̀ irya nyam, [iJihova] kpụm ẹjẹ, họ kam chị ọkẹkẹnị.”—Eje 94:19
“Ọngọlahị iJisọsị ịKịrayịsị ayịdang bala Ohe Oluhye Adahị Ọngọlẹ kahị há lụmẹ bala Ọwa ọngọlẹ kọ hu ẹjẹ ọkpụ́kpụ o-gbe oyi myị́ oyi nyamwụ hahị bala o-hu ẹhị ọrịrịị-rịrị ọnyịịla nyamwụ hahị wuu bwula ọnahị lẹ, ká Ohe Oluhye ọọwa a tịtị hu ẹjẹ ọkpụ́kpụ ha ọkịlẹtụ nyanụ wuu, kọ họ kanụ godayị kpakpakpa . . . mẹ.”—2Tẹ 2:16, 17