HỊHỊ LALA ANGỊNYỊ NYA ỊKỊRAYỊSỊ

À Ka Jẹ́-ẹ Họ Hiigu Myị́, Kori ká La ‘Ujwo u-Ugbinyịrọ’ Wẹwẹ!

Lụka nya ahyẹẹnụ ohyẹẹkpẹ nya odehe ọlẹ, akama ilujwo-lujwo kaa wẹ chị anchẹ nya iJihova ilodehe ọlẹ wuu ọgụ. (2Ti 3:1) Ányị ahị tị́ ka bwu dahịhile iJihova chajị káhị ka jẹ́-ẹ ba ọhụ ẹ-ẹpwụ nya akama ịwẹ myị́? Yẹ ifim ọlẹ kọ ri, “Ahị nya Alidu ka Wụrụ” nyọka yẹ ang ọlẹ ká Talita Alnashi bala adamwụ anyị họ. Ụka ká yọọ kpá, à wẹ ịtọ ẹla ileji ịlẹ:

Ịyẹ à tị́ ri ‘ujwo ọla ugbinyịrọ’ nya Talita?
Ehe ịchịchị ịlẹpwụ nya ịBayịbụụ iyina à tị́ da Talita bala adamwụ anyị ụbwọ nyọka ye ọkẹkẹnị?
Ányị adịda bala ịnịna nya Talita à tị́ mẹjẹ nyori, ị dahịhile iJihova ụka ọlẹ kị́ gu ẹhị nyamwụ ene kpá?
Ányị adamwụ anyị à tị́ kpa ang abwọ ịlẹ ká ogu nya iJihova họ da Talita ụbwọ nyọka la ọháha ha Ohe Oluhye?
Ányị Talita à tị́ mẹjẹ nyori, ọ wẹẹ tụ́ ju iJihova chwẹẹ, nanana nyori ọ la ‘ujwo u-ugbinyịrọ’ nyamwụ?
Ányị ọgụ-ẹpẹtẹ nya Talita à tị́ bwu jung ọhụ?

Talita wẹẹ ya ẹla u-uhye nya ọmyịmyị nyamwụ, ọ wẹẹ kpa ịkọmputa wa ụpwụ, ọ wẹẹ wẹ ẹla ọọjịra-jịra, ọ myịmyị wẹẹ kpehe nya ẹla Ohe bala adamwụ