Họ ká Ang Ọjẹ́jẹ Nyang À Ju Apyobwuna Yẹẹyẹẹ

ANG ODUDU ỌLẸ KỌ́ BABA: Ụpwụ ịgọgọ ọjẹ́jẹ lịlọhị ka dahị ụbwọ nyọka jẹ́ “ẹpwụ ojuju bala udiyo ọlala bala uhye ọlala bala okpori-kpori ọlala” nya ẹlịlẹhị ọlẹ. (Efe 3:18) Ọ ka dudu káhị ka la abyị ọhẹ-lọhẹ ka bala ọ-họ ịngịngịhyẹ onyobyi kpongkpong ẹ-ẹpwụ nya odehe ọtịpyọ ọlẹ ka. Ọ ka myịmyị dahị ụbwọ nyọka “yụbwọ wu ẹla nya ọhịhị nya Ohe Oluhye . . . kpa ụ-ụwa gogo.” (Fil 2:15, 16) Ahị la iwe nyọka chu ang ọjẹ́jẹ ọlẹ kọ́ hahị, ụka káhị juwa jẹ́ ụpwụ ịgọgọ nyịlọhị. Ányị ahị tị́ ka họ chajị káhị ka ye apyobwuna yẹẹyẹẹ bwu ịBayịbụụ ọlẹ káhị kaa wa bala ọjẹ́jẹ?

JAABWỌ ÁHỊ KA BWU HỌ ỊNYỊ:

• Gbile ọgba ju ịgba ịhyẹ ká da ahị nya ẹla ju ị-ịBayịbụụ nyang, kori o-ri ọlụpwụ lee ọla ifon wẹwẹ

• Ụka ká juwa kpa Ụpwụ Ịgọgọ wa, tịlọng ịtọ ẹla ịlẹ: ‘Oowo tị́? Ẹlịyẹ tị́? Ụka oyina tị́? Ale tị́? Ịyẹ tị́ du? Ányị tị́?’

• Wụla ẹla yẹ rige-rige. Kpa ang abwọ ịlẹ kị kaa da ẹla wụlẹ kpori-kpori bala ọ-mwahị nya ang bwula egbeju nya ẹla lee ọgba nya ịBayịbụụ

• Kụ irya kpori-kpori u-uhye nya ang ọlẹ ká wẹẹ wa, chajị nyọka jẹ́ jaabwọ ká ẹla ọọwa gung kpangga

• Kpa ẹla ọlẹ ká wẹẹ jẹ́ họ ụkụrwọ ẹ-ẹpwụ nya ahyẹẹnụ ọnyị myị́ ọnyị.—Lu 6:47, 48

YẸ IFIM ỌLẸ KỌ RI, ‘YỤBWỌ WU ẸLA NYA ỌHỊHỊ KPA GOGO BWULA ANG ỌJẸ́JẸ NYỊLỌNG ỌLAM-ỌLAM’, KÁ WẸ ỊTỌ ẸLA ILEJI ỊLẸ:

• Ányị angịhyẹ à tí chabwọ nya ang ọjẹ́jẹ?

• Ịyẹ tị du kahị ka raabwọ ụka myị́ ụka wuu ene kahị ka dọmwụ nya ang ọjẹ́jẹ nyịlọhị?

• Ịyẹ à tị́ ka dahị ụbwọ nyọka jẹ́ etu nya ẹla ịlẹpwụ nya ịBayịbụụ gụ ọwọwa?

• Ụma nya ịna ịlanyị ahị tị ka jẹ́-ẹ ya gbile ịBayịbụụ nyahị myị?

• Ịyẹ tị du ká irya ọkụkụ kpori-kpori baba nyịlẹhị-ịlẹhị ụka káhị juwa jẹ́ Ụpwụ Ịgọgọ?

• Ịyẹ ahị tị́ ka họ la ang ịlẹ káhị wẹẹ jẹ́?