Akụrwọ Ịnyịịla Ịlẹ Ká IJihova á Ka Jẹ́-ẹ Deeri Nyaa Ka

Ọchịkpẹẹ myị́ nyori anchẹ nya iJihova wuu ka jẹ́-ẹ họ akụrwọ ịnyịịla ịlẹ ká iJihova á ka jẹ́-ẹ deeri nyaa kpá ẹnẹẹnẹhẹ kaka. Lala adịda bala ịnịna ịlẹ kị la ọháha ẹ-ẹga nya anyị nyaa, ị́ ka jẹ́-ẹ deeri nya ang ịnyịịla ịlẹ kị họ kaka, ịnyịnyị, iJihova á ka jẹ́-ẹ deeri la ụkụrwọ ọlẹ kahị wẹẹ họ bala ọháha ọlẹ kahị wẹẹ la ẹ-ẹga nya ẹnyị nyamwu kaka. (Mat 6:20; Hib 6:10) O ri nyịlẹhị, ọngịrị nyahị gụ awụlẹ ịnyịnyị, iwe-ahụrụ nyahị datị-datị. Ma, kori kahị kpa ọngịrị nyahị wuu gbịgba ha iJihova, ahị ka chị ọkẹkẹnị. (Gal 6:4; Kol 3:23) La ẹka lụmẹ-lụmẹ, ụnọ-ụnọ nya aanahị alẹng bala anyang juwa kaa họ ụkụrwọ ị-ịBẹtẹlụ. Ahụ ka jẹ́-ẹ hu ịlọng ha nyọka họ ụkụrwọ ị-ịBẹtẹlụ? Kori kọ tị chịng kpẹẹ nyọka họ ịnyị ka, a ka jẹ́-ẹ ju ọngọhẹ ọhụ nyọka họ ịnyị lee ọ-ka da ọngọhẹ nya angịlẹ kị kaa họ ụkụrwọ ị-ịBẹtẹlụ ụbwọ nyọka kịnyaa la ịgba ọgbagba ụ-ụgbẹyị ọnyịịla ọwẹ?

YẸ IFIM ỌLẸ KỌ RI HU ỊLỌNG HA NYỌKA HỌ ỤKỤRWỌ Ị-ỊBẸTẸLỤ. KÁ WẸ ỊTỌ ẸLA ILEJI ỊLẸ:

• Irya ọlanyị à tị́ ka gu ọngịnyị gbịla nyọka họ ụkụrwọ ị-ịBẹtẹlụ?

• Ányị angịhyẹ a tị́ ya u-uhye nya ahị ọwawa ịlẹ kị ye bwula ọ-họ ụkụrwọ ị-ịBẹtẹlụ?

• Ịyẹ ọngịnyị a tị́ ka họ ene kị ka yoo nyọka họ ụkụrwọ ị-ịBẹtẹlụ?

• Ányị a tị ka bwu yụbwọ jụ ụpwụ ẹ-ẹpwụ nyọka họ ụkụrwọ ị-ịBẹtẹlụ?