“Abwẹla Ocheri-cheri bala Ihi Ojuju o-Kpori-kpori Kaa Yẹ Ọngịnyị Irya Da”

Abwẹla ọnyịịla ọhọhọ nya ịhụ ịlẹ kị ri angịnyị nya ịKịrayịsị ri ang ọhẹ ọlẹ kọ kaa da ọrwaa ụbwọ nyọka ye ẹlịlẹhị myị. Ma, ọọwa tị baba nyọka ba ọhụ ẹ-ẹpwụ nya ọtụpyịpyị la ẹka lụmẹ-lụmẹ ịnyịnyị. (1Pit 2:21-23; 3:1, 2) Kori ka juwa yẹ akama la ọ-da ẹlẹlẹhẹ ka wẹwẹ, kịnyaa la ọ-ka kpa ang ọnyịịla ọhọhọ nyang kụrụ ang onyobyi. (Rom 12:21) Ọhẹka, kori ká ọrụng á kaa ke ụrụ la ẹla ọlẹ ká kaa ya jwoo u-uhye nya iJihova ka, ma ụka kọ yẹ ọgụ-ẹpẹtẹ ọnyịịla ọlẹ ka wẹẹ ya deeji, ọọwa ka du kọ ka nwụ irya ọlẹ kọ la ẹ-ẹga nya ẹlịlẹhị ene-ene rịrị.

Maga nyọka yẹ ẹla bwu ụpa nya ahụng lee ọrụng. (iFilip 2:3, 4) Mẹ ahyẹẹrwẹrwa bala ọnahị jẹ bala ọ-maga nyọka họ ụkụrwọ nyang yẹẹyẹẹ lala ahụ. Ri ọngọlẹ kọ kaa ke ụrụ yẹẹyẹẹ.(Jem 1:19) La ugbodu ojuju onyudiyo, ka tị họ ká ọrụng lee ahụ nyang a jẹ́ nyori a la ọháha ẹ-ẹga nyamwụ. Ó ri ká ọrụng lee ahụ nyang á jung ihi bala ọ-họng ọnahị jaabwọ kaahụ kaa họ ka wẹwẹ, a ka jé-e la ọ-jẹ myịmyị nyori abwẹla ọnyịịla ọhọhọ nyang ọọwa nyị myị iJihova lẹhị yẹẹyẹẹ.—1Pit 2:19, 20.

YẸ IFIM ỌLẸ KỌ RI, IJIHOVA KAA JUHI ỌNGỊRỊ NYỌKA KPA OLO NYAHỊ. KA WẸ ỊTỌ ẸLA ILEJI ỊLẸ.

• Ányị ọhịhị a tị la ha Ọọnahị Grace Li lụka ọlẹ kọ rwọ ọrụ bwaa?

• Ịyẹ a tị du ká ẹlịlẹhị ịlẹpwụ nya ịBayịbụụ họ́ọ lụmẹ?

• Ányị ọọnahị ọwẹ a tị bwu ba ọhụ ẹ-ẹpwụ nya iwe-ahụrụ ilujwo nyọlẹ kọ hu enyi Ohe kpá?

• Ịịyẹ ọọnahị ọwẹ a tị kaa raabwọ kọ ka họ u-uhye nya ọrụmwụ?

• Ahị ọwawa iyina ọọnahị ọwẹ a tị ye, chajị nya abwẹla ocheri-cheri bala ihi ojuju okpori-kpori nyamwụ?