“Alodehe Wuu Kaa ya Oja Ookpokpo”

11:1-4, 6-9

Ụ-ụwa ị-ịbabel lee ịBabịlọn, iJihova nyi angịnyị ehe ịlẹ kị la egbeju ọngịrị epepe bwula ọ-kpịla oja nyaa ahị. Alẹ, ọ tị wẹẹ tụ iru nya angịnyị guru bwu ẹpwụma myị́ ẹpwụma bala oja ọnyị myị́ ọnyị wuu chajị kị ka ri angị ya oja ‘ọcharị-charị’ bala ọ-ka juwa ‘gbịgba ha iJihova lawụlẹ wuu.’ (Sẹf 3:9; Ọwụ 7:9) Oja ‘ọcharị-charị’ ọọwa a ri ẹlịlẹhị u-uhye nya iJihova bala irya nyamwụ ịlẹ kị juwa ẹ-ẹpwụ nya Ụpwụ Ịgọgọ lẹ.

Oja ọkịla ọjẹ́jẹ gụ ọ-ka jẹ́ omyi ẹla inyeewe la egbeju-egbeju. Ọbaba nyọka jẹ́ jaabwọ á ka bwu kụ irya ụ-ụgbẹyị onyeewe. Ịnyịnyị, jaabwọ kahị wẹẹ jẹ́ oja ọcharị-charị nya ẹlịlẹhị ọwẹ, irya omeme nyahị kaa juwa nwụ ma. (Rom 12:2) O-ri ẹla ọlẹ kahị ka juwa họ kịnyaa kịlahị, chajị ọọwa kaa da angịnyị nya Ohe Oluhe ụbwọ nyọka yẹju lawụlẹ yẹẹyẹẹ.—1Kọr 1:10.