ANG ỤDỤ BWU OMYI ẸLA NYA OHE OLUHYE | ỌMWỤ ỌDADA 32-33

À Juwa Ma Uya Nyọka Ye Ahị Ọwawa?

32:24-28

Nyọka ye ahị ọwawa bwu ẹga nya iJihova, ahị baba nyọka maga nyịlẹhị-ịlẹhị nyọka hu ịgba ọgbagba ha iJihova nọ ị-ịlahị jene-jene ọ-ọhịhị nyahị. (1Kọr 9:26, 27) Ụka kahị ja gbịgba ha iJihova, ahị ka la irya ụma ọlẹ ká iJekọbụ la ụka kọ ma uya ta olegu-ẹrụ. Ahị ka mẹjẹ nyori ahị tịtọ nya ahị ọwawa o-bwu ẹga nya iJihova, bwula ọ-ka . . .

nwụlanọ nya ọjịra-jịra ọkaka
la ọgaga ẹ-ẹpwụ nya ẹrụ ọnyịịla ọ-kpa pyẹ
maga nyọka da angịkịla ụbwọ ẹ-ẹpwụ nya ọjịra-jịra

Ifoto ịlẹ kị gba: Ịnịna ọhẹ ọlẹ kọ kaa hi ụbwo ka. 1. Ọ wẹẹ raabwọ ene kọ ka dọmwụ nya ụkụrwọ nya ahyẹẹnụ. 2. Ọ wẹẹ ya ang oriri ha ọnyị ọchịchẹ nyamwụ ene kọ ka kpehe nya ẹla Ohe. 3. Ọwa bala anyị nyamwụ imiiye wẹẹ họ ụkụrwọ ẹ-ẹrụ ọnyịịla ọ-kpa pyẹ bala ọọnahị ọhẹ bwu ọjịra-jịra nyamwụ.

Jaabwọ myị́ abwọ ká iwe-ahụrụ nyang à tụ́pyịpyị kaka ba, raabwọ ha iJihova ụka wuu nyọka dang ụbwọ, ká bịlọọ kọ ka wahị kụrụ aga ọmama nyang nyọka gbịgba họọ.

TỊLỌNG WO WẸẸ, ‘Ụpa nya ọhịhị nyam oyina m̀ tị́ ka maga ju nyịlẹhị-ịlẹhị chajị nyọka ye ahị ọwawa nya iJihova?’