HỊHỊ LALA ANGỊNYỊ NYA ỊKỊRAYỊSỊ
“Ọng Myị Ọng Nyanụ ā Mwụ Ijiga Nyamwụ Hụrụ”
IJekọbụ jẹ́ nyori iJihova nyị baba nya ịgba ọgbagba o-bwu ọkịlẹtụ wuu, nanana nyori ụka ọwẹ iJihova á da ehile ọhẹ u-uhye nya eteji ọkpụkpụ ha ijiga, lẹka. (Ehe 20:3-5) Lẹ, nyọlẹ ká iJihova byoo nyị tịrẹkpẹ ká ịBẹtẹlụ kpá, iJekọbụ byi ọng myị́ ọng nya alẹpwa nyamwụ nyị mwụ ijiga nyaa wuu hụrụ. Ọọwa lẹ, iJekọbụ á mwụ ijiga nyaa wuu tụ́ ang i-gu arụ nyaa ịlẹ kị ya gu arụ, lala ogbo nya ojiga hụrụ lẹlẹ. (Ọmwụ 35:1-4) Ịwẹẹ ọdada a ji ka, ọ-kpụ iJihova ịpyọ nya ang ọlẹ ká iJekọbụ họ wẹ.
Ahyẹẹnụ nyahị bẹẹ, ányị ahị tị́ ka bwu ya ịgba ọgbagba o-bwu ọkịlẹtụ nyahị wuu ha iJihova? Ahị ka dọmwụ bwula o-cheji ba hi ịngịngịhyẹ ọlẹ kọ da ori wu ijiga ọkpụkpụ. Ang lala ọ-ka go ịngịngịhyẹ ọlẹ kọ ri ịnya ala okumwu nya odu hụrụ bala ọ-ka kụ ẹhị ye ụya ọyaya nyahị yẹẹyẹẹ. Ọ-chụ pwokwita, tịlọng wo wẹẹ: ‘Apwụ lee ifim nya alahwa, alegu bala aligboni kaa kpụm ịpyọ laọwawa bala ọyẹyẹ? M kaa yẹ ifim lee eje ịlẹ kị ju ang lala inwa ọmwụmwụ, ụhwa ojuju lee olo ọ-gaga lala ang ịlẹ kị tịpyọ ka? Ahị ka chị ịlọhị hwẹẹ hi ịngịngịhyẹ ịlẹ kị wụ iJihova ẹjẹ.—Eje 97:10.
YẸ IFIM ỌLẸ KỌ RI “JUWA TỤ OHE ONYOBYI PYỊPYỊ.” KÁ WẸ ỊTỌ ẸLA ILEJI ỊLẸ:
Akama oyina à tị́ chị Palesa ọlẹ ká aanahị kaa jẹ́ ịBayịbụụ ta ọgụ ọ-ọhịhị nyamwụ?
Ịịyẹ tị́ du kọ hiigu lụmẹ nyọka tịtọ nya ụbwọ ọdada bwu ẹga nya angịgbahị nya ọjịra-jịra u-uhye nya ẹla nya ijiga ọkpụkpụ?
Juwa tụ Ohe Onyobyi pyịpyị, ká tụ ju Ohe Oluhye chwẹẹ.—Jem 4:7,8
Ịịyẹ ahị tị ka go chiiru hi ịlọhị kori kahị tịtọ nya ewu ọ-chị ke bwu ẹga nya iJihova?
Ọgụ-ẹpẹtẹ nya eje ọchịchị oyina Palesa à tị́ hu?
A-agbẹyị iyina à tị́ ka jẹ́-ẹ cheji ba hi ọpịrị ju nya alegu inyibyi o-oye nyang?