Họ Lala iJosẹfụ—Chị Ịgọ Hi Ụya Ọhọhọ

IJosẹfụ ya ọgụ-ẹpẹtẹ ọnyịịla deeji hahị, ụka ká ọmayẹ nya ụya ọhọhọ a chịhị ọgụ. Ụka myị́ ụka ká ahụ nya ayịbamwụ a maga nyọka mwọọ ju, ọ kaa pwa. (Ọmwụ 39:7-10) Ọ wẹ byoo yẹkẹẹ: “Anyị, m̄ tị́ ka jẹ-ẹ họ ang onyobyi ọlịịwẹ kpu m̄ ka họ pyị Ohe Oluhye ịnyị mẹ?” Ọmẹjẹ nyori, iJosẹfụ jẹ́ ene-ene jaabwọ kọ ri ang opwoku ị-ịlahị nya iJihova nya ahụ bala ọrụ ọ-ka la kpẹẹkpẹẹ ẹ-ẹga nya awụlẹ. Ọọwa dọọ ụbwọ ụka kọ ji ẹpwụ nya iwe-ahụrụ ọlẹ kọ ka mọọ yẹ nyọka họ ụya ịnọ. Ọkọkọ, nyọka dayị rụwa ká ọnyang ọwẹ ka họ gbee kọ ka ju ka ẹpwụ nya ọmayẹ ọwẹ lẹ, ọ gu pwụraa rụnyẹ rụ.—Ọmwụ 39:12; 1Kọr 6:18.

YẸ IFIM ỌLẸ KỌ RI, CHỊ ỊGỌ HI ỤYA ỌHỌHỌ, KÁ WẸ ỊTỌ ẸLA ILEJI ỊLẸ:

• 

  Iwe-ahụrụ oyina Jin à tị́ gba chị?

• 

  Ịtọ ẹla oyina Jin à tị́ tọ ịlọmwụ ụka ká Mee-Kyong bịlọọ nyọka dọọ ụbwọ ẹ-ẹga nya ụkụrwọ nya ang ị kụ́ achụ́ ịlẹ kị yaa họọ u-ube-ẹpwụ?

• Ányị ang ọlẹ ká Mee-Kyong wẹẹ tịtọ à tị́ gu Jin?

• 

  Ányị Jin à tị́ bwu ye ụbwọ ọdada?

• 

  Ányị Jin à tị́ họ nyọka chị ịgọ hi ụya ọhọhọ?

• Ẹlịyẹ à tị́ jẹ́ bwu ifim ọwẹ?